Kenshiler astanasyndaǵy «Kúngeı» shaǵyn aýdanynda jańa meshit salyndy. Allanyń jerdegi úıiniń saltanatty ashylý rásiminde jergilikti turǵyndardy Qaraǵandy oblysynyń bas ımamy О́mirzaq Bekqoja quttyqtady.
Jalpy aýmaǵy 1200 sharshy metrdi quraıtyn jańa meshittiń ishinde áıelder men erlerge arnalǵan bólek zaldar, dinı oqý synyptary jáne kitaphana ornalasqan. Sondaı-aq munda 250 oryndyq ashana da jumys isteıtin bolady.
Ishine 700 adam syıatyn meshittiń qurylysyna jergilikti kásipker Altaı Erǵojın demeýshilik etken.
– «Kúngeı» shaǵyn aýdanyndaǵy ózekti problemanyń biri meshit úıiniń joqtyǵy edi. Jamaǵattyń osyndaı muqtajdyǵyn eskere kele, óz janymnan qarjy bólip, meshit qurylysyn qolǵa aldym. Maǵan kúngeılikter ǵana emes, qalamyzdyń basqa da aýdandarynda turatyn azamattar belsendi túrde kómek kórsetti, – deıdi mesenat.
Dál osyndaı meshitter aldaǵy ýaqytta Qaraǵandynyń irgesindegi Suryptaý jáne Prıshahtınsk eldi mekenderinde de ashylatyn bolady.
Qaraǵandy oblysy