Ádildik izdep, qabyrǵalaryna qara tastaı batyp júrgen máselelerdi úlkendi-kishili memlekettik organ basshylardyń atyna hat túrinde joldaıtyn qarapaıym azamattar jetkilikti. Sondaı-aq sońǵy kezde oblys ákimdiginiń saıttary men áleýmettik jeli paraqshalaryna da turǵyndar tarapynan túsetin aryz-shaǵymdar jıileı túskeni baıqalady. Qandaı mazmunda bolsa da muny oń qubylys dep baǵalaýǵa bolady. О́ıtkeni ókiletti jáne atqarýshy organ jetekshilerine joldanǵan árbir hattyń arǵy astarynda úlken senim men úmit turǵany talassyz. Bul ekeýi aqtalmasa, osy senim men úmitke selkeý túspesine kim kepil?
Osy oraıda keıingi kezde memlekettik organdar tarapynan hat pen aryz-shaǵym ıelerine jaýaptar belgilengen ýaqytta keshikpeı qaıtaryla bastaǵany súıinishti jáıt. Tipti qazirgi elektrondyq qujat aınalymyna sáıkes bir kúnniń ishinde ótinish hat ıesiniń uıaly baılanys jelisine onyń tirkelgeni ári ony oryndaıtyn jaýapty laýazymdy tulǵanyń atyna jiberilgeni, ári ótinish hattyń zańmen belgilengen merzimde qaralatyny týraly habarlar kelip túsedi.
Mundaıda kimde-kim bolmasyn «ıe, báse» dep ájeptáýir qanattanyp qalatyny anyq. Sodan soń arada kóp ýaqyt ótpeı jazǵan ótinish hatqa qaıtarylǵan jaýaptar da kelip túsedi. Árıne joǵaryda aıtylǵandaı turǵyndardy tolǵandyrǵan máselelerge memlekettik organdar tarapynan jaýaptardyń ýaqytynda kelýi sóz joq óte jaǵymdy jáıt. Áıtse de jaýaptyń mátinine kóz salǵandar kóp jaǵdaılarda ony qapelimde túsine almaı, beıne bir jańyltpash oqyǵandaı ári-sári kúıde qalady. О́ıtkeni hatta aıtylǵan tolǵaqty máselege naqty jaýaptar qaıtaryla bermeıdi. Esesine onyń ornyna áldebir zańdar men Kodeksterdiń uzaq tarmaqtarynan turatyn sala-qulash baptary kórsetiledi. Osylaısha qarapaıym turǵyndar úshin eshqandaı jylýy joq, máni men maǵynasy buldyr syrǵytpa jaýaptar túsiniksiz kúıinde qalyp qoıa beredi. Turǵyndar tarapynan túsetin ótinish hattarǵa eshkim túsinbeıtin qoıyrtpa, jańyltpash jaýaptar qaıtarý kórinisi Aqtóbe oblystyq ákimdiginde de oryn alyp otyrǵany aqparat jıynynda ashyq aıtyldy. Osy máselege baılanysty Aqtóbe oblysy ákiminiń apparat basshysy Nurjaýǵan Qalaýov óz tujyrymyn bylaısha jetkizdi.
-Buǵan deıin azamattardyń aryz-shaǵymdaryna baılanysty berilgen jaýaptardyń birqatary eshqandaı syn kótermeı keldi. Mundaı ústirttikti bylaısha jalǵastyra berýge bolmaıdy. Sondyqtan da aldaǵy ýaqytta saldyr-salaq ázirlengen jaýaptar tikeleı ákimdik apparatynyń súzgisi men baqylaýynan ótkizilmek. Mundaǵy maqsat – hat ıelerine qarapaıym da túsinikti, etek-jeńi jınaqy jaýaptar qaıtarý.
Laıym da, solaı bolǵanyna ne jetsin!
AQTО́BE