Bul týraly Parlament Senatynyń baspasóz qyzmeti habarlady.
Parlament Senaty Qarjy jáne bıýdjet komıteti 2020-2022 jyldarǵa arnalǵan respýblıkalyq bıýdjet jobasyn qaraý aıasynda elimizge ınvestısııalar tartý jáne qazaqstandyq taýarlar eksportyn syrtqy naryqtarǵa shyǵarýǵa járdemdesý máseleleri boıynsha Syrtqy ister mınıstrligi Investısııalar komıtetiniń, «Kazakh Invest» jáne «EKS «Kazakh Export» aksıonerlik qoǵamdarynyń ókilderimen kezdesti.
Depýtattar kezdesý barysynda bólinip jatqan bıýdjet qarjysynyń tıimdiligi, bıýdjet qarjysy elimizdegi basym salalarǵa, onyń ishinde qandaı jobalarǵa baǵyttalady, keletin ınvestısııalardyń jalpy ekonomıka men halyqqa áseri, ónimderdi eksportqa shyǵarýshylarǵa qandaı jáne qaı mólsherde qoldaý kórsetilgeni týraly máselelerdi kóterdi.