Parlament Májilisiniń plenarlyq otyrysynda palata depýtattary ekinshi oqylymda «Mindetti áleýmettik saqtandyrý týraly» jáne «Qazaqstan Respýblıkasynyń keıbir zańnamalyq aktilerine mindetti áleýmettik saqtandyrý máseleleri boıynsha ózgerister men tolyqtyrýlar engizý týraly» zań jobalaryn qarap, maquldady. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
Memleket basshysynyń 2018 jylǵy 10 qańtardaǵy tapsyrmalaryn oryndaý maqsatynda QR Eńbek jáne halyqty áleýmettik qorǵaý mınıstrligi ázirlegen birinshi zań jobasy eńbek ótili men áleýmettik tólemder arasyndaǵy baılanysty nyǵaıtýǵa, sonymen qatar 2020 jyldan bastap ortasha áleýmettik tólemderdiń ósýin qamtamasyz etýge baǵyttalǵan.
Qujatta eńbek etý qabiletinen aıyrylý, asyraýshysynan aıyrylý jáne jumysynan aıyrylý boıynsha áleýmettik tólemderdi taǵaıyndaý kezinde qoldanylatyn parametrler qaıta qaraldy. Bul tólemdi ortasha eseppen 30% - ǵa arttyrýǵa múmkindik beredi.
Zańnyń ekinshi jobasy kópbalaly otbasylarǵa jańa memlekettik járdemaqy engizýdi, ataýly áleýmettik kómek kórsetý mehanızmderin jetildirýdi jáne tabysy az otbasylardan shyqqan balalarǵa kepildi áleýmettik paket engizýdi kózdeıdi.
Osylaısha, zań jobasynda 2020 jylǵy 1 qańtardan bastap kámeletke tolmaǵan 4 jáne odan da kóp balalary bar otbasylarǵa nemese 23 jasqa deıingi kúndizgi oqý nysanyndaǵy stýdentterge memlekettik járdemaqy tóleý usynylady. Bul járdemaqy otbasynyń tabysyna qaramastan saralanǵan mólsherde taǵaıyndalady: 4 balaǵa – 42 496 teńge; 5 balaǵa – 53 127 teńge; 6 balaǵa – 63 757 teńge; 7 balaǵa – 74 388 teńge.
AÁK kórsetýdiń jańa tásilderi mynalardy kózdeıdi: ataýly áleýmettik kómekti toqsan saıyn taǵaıyndaý, AÁK taǵaıyndaý úshin qoldanystaǵy shekti ólshem shartty saqtaý – otbasynyń árbir múshesine jan basyna shaqqandaǵy ortasha tabys eń tómen kúnkóris deńgeıinen 70% - dan kem bolmaýy tıis, otbasynyń barlyq músheleri úshin AÁK mólsherin jan basyna shaqqandaǵy tabys pen kedeılik shegi arasyndaǵy aıyrma retinde aıqyndaý, eńbekke qabiletti azamattarǵa qoıylatyn talaptardy kúsheıtý, olar jumysqa ornalasýdan bas tartqan jaǵdaıda AÁK tólemi búkil otbasyna toqtatylady, bul prosesste ýchaskelik komıssııalardyń rólin kúsheıte otyryp, otbasynyń materıaldyq jaǵdaıyna tekserý júrgizý merzimin 3-ten 7 kúnge deıin ulǵaıtý.
Kepildi áleýmettik paketti usyný sheńberinde 1 jastan 6 jasqa deıingi tabysy az otbasylarynyń balalaryn azyq-túlik jıyntyǵymen jáne gıgıenalyq quraldarmen, 6 jastan 18 jasqa deıingi balalardy mektepterde ystyq tamaqpen, oqý quraldarymen jáne mektep formasymen qamtamasyz etý usynylady, sondaı-aq olarǵa mektepke deıingi jol júrý shyǵyndary óteledi. Medısınalyq, onyń ishinde stomatologııalyq kómek 18 jasqa deıingi balalarǵa tegin medısınalyq kómektiń kepildik berilgen kólemi jáne mindetti áleýmettik medısınalyq saqtandyrý sheńberinde kórsetiletin bolady.
Budan basqa, zań jobasynda 2020 jylǵy 1 qańtardan bastap iske qosylatyn áleýmettik qyzmetter portalynda tirkelgen ortasha baǵalar sheginde tehnıkalyq ońaltý quraldarynyń qunyn óteý tetigin engizý kózdelgen. Bul rette múgedektigi bar adamdar neǵurlym qymbat taýarlar men qyzmetterdi tańdaý kezinde aıyrmashylyqty derbes tóleý múmkindigin alady.
Portal qurý TOQ jáne arnaıy áleýmettik qyzmetterdi usynýǵa arnalǵan bıznes-prosesterdi taǵaıyndaý úshin proaktıvti format arqyly 8 aıdan 1-2 aptaǵa deıin qysqartýǵa múmkindik beredi. Sondaı-aq, Portal qyzmetter men ońaltý qondyrǵylarynyń olardy alýshylardyń jeke qajettilikterine sáıkes kelmeý máselelerin sheshedi, óıtkeni múgedektigi bar adamdar ózderine qajet taýar men qyzmet túrin óz betinshe tańdaı alady.
Úzdiksiz jetkizilimdi qamtamasyz etý maqsatynda 2020 jyly múgedektigi bar adamdarǵa ońaltý taýarlary men qyzmetteri balama negizde – portal arqyly jáne qoldanystaǵy memlekettik satyp alý rásimderi júıesi arqyly usynylatyn bolady. Portal arqyly proaktıvti formatqa tolyq kóshý 2021 jyly kózdelgen.