Mańǵystaý oblystyq onkologııalyq dıspanseriniń mamandary 16 qarasha kúni uıymdastyrylǵan Munaıly aýdanynyń turǵyndaryn tegin tekserý barysynda 80-nen astam adamdy qarap shyqty. Bul týraly dıspanser basshylyǵy habarlady.
Ashyq esik kúni Munaıly aýdandyq ortalyq aýrýhanasynyń (AOA) mamandarymen birlesip, aýdandyq emhana bazasynda ótkizildi.
Onkolog, hırýrg, mammolog, gınekolog mamandaryna 82 adam qaraldy. Sút beziniń ýltradybystyq zertteýinen 19 áıel, búırek – bir aýdan turǵyny, qalqansha bezi - úsh adam ótti. Onkopatologııaǵa kúdikti jeti oqıǵa anyqtaldy: tórt sút bezi obyry, úsh jatyr moıny obyry. AOA personalyna uıymdastyrý-ádistemelik bóliminiń mamandary onkopatologııany tekserý jáne anyqtaý jumystary boıynsha ádistemelik kómek kórsetti.
Buǵan deıin oblystyq onkodıspanser bazasynda Ashyq esik kúnderi 400-den astam turǵyn qaralyp, 30-ǵa jýyq onkopatologııa oqıǵasy anyqtaldy.
Mańǵystaý oblysy