О́zbekstan aýmaǵynda arnaıy operasııalar kúshteri departamentiniń basshylyǵymen Qazaqstan jáne О́zbekstan Qarýly Kúshteri taý daıarlyǵy bólimsheleriniń birlesken jattyǵýy ótti. Bul týraly Qorǵanys mınıstrliginiń baspasóz qyzmeti habarlady.
Jattyǵýǵa Qazaqstan armııasy atynan QR QM Armııa ortalyq sport klýby Taý daıarlyǵy ortalyǵynyń áskerı qyzmetshileri qatysty.
Eki eldiń bólimsheleri «Forısh» polıgonynda birlese otyryp taýǵa shyǵý daıyndyǵyn uıymdastyrýdyń teorııalyq máselelerin, taýdyń bıiktiktin, arnaıy jáne oq atý jattyǵýlaryn uıymdastyrý ádisterin, joryq pen shyńǵa shyǵý máselelerin pysyqtady.
Sondaı-aq taýly aımaqta qıyndyq týǵyzatyn alǵashqy medısınalyq kómek kórsetý men jaralylardy tasymaldaý máselelerine erekshe nazar aýdardy.
Eki eldiń áskerı qyzmetshilerinde birlesken jumystar júrgizýden tájirıbeleri mol. О́tken jyldyń jeltoqsan aıynda taý daıarlyǵy bólimsheleri jattyǵýdy dál osy О́zbekstannyń taýly polıgonynda ótkizgen edi.