Sársenbi, 19 maýsym 2013 0:51
2013 jylǵy 4 sáýir Astana qalasy
Memlekettik organdardyń personaldy basqarý qyzmeti (kadr qyzmeti) týraly úlgilik erejeni bekitý týraly
«Memlekettik qyzmet týraly» Qazaqstan Respýblıkasynyń 1999 jylǵy 23 shildedegi Zańynyń 5-baby 1-tarmaǵynyń 10-3) tarmaqshasyna sáıkesbuıyramyn:
1. Qosa berilip otyrǵan Memlekettik organdardyń personaldy basqarý qyzmeti (kadr qyzmeti) týraly úlgilik ereje bekitilsin.
2. Qazaqstan Respýblıkasy Memlekettik qyzmet isteri agenttiginiń Memlekettik qyzmetti ótkerý bólimi (T.Q. Jumaǵulov) osy buıryqty zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkeýdi jáne resmı jarııalaýdy qamtamasyz etsin.
Sársenbi, 19 maýsym 2013 0:51
2013 jylǵy 4 sáýir Astana qalasy
Memlekettik organdardyń personaldy basqarý qyzmeti (kadr qyzmeti) týraly úlgilik erejeni bekitý týraly
«Memlekettik qyzmet týraly» Qazaqstan Respýblıkasynyń 1999 jylǵy 23 shildedegi Zańynyń 5-baby 1-tarmaǵynyń 10-3) tarmaqshasyna sáıkesbuıyramyn:
1. Qosa berilip otyrǵan Memlekettik organdardyń personaldy basqarý qyzmeti (kadr qyzmeti) týraly úlgilik ereje bekitilsin.
2. Qazaqstan Respýblıkasy Memlekettik qyzmet isteri agenttiginiń Memlekettik qyzmetti ótkerý bólimi (T.Q. Jumaǵulov) osy buıryqty zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkeýdi jáne resmı jarııalaýdy qamtamasyz etsin.
3. Osy buıryq alǵash resmı jarııalanǵan kúnnen bastap qoldanysqa engiziledi.
Tóraǵa A. BAIMENOV.
Qazaqstan Respýblıkasy Memlekettik qyzmet isteri agenttigi Tóraǵasynyń 2013 jylǵy 4 sáýirdegi № 06-7/47 buıryǵymen bekitilgen
Memlekettik organdardyń personaldy basqarý qyzmeti (kadr qyzmeti) týraly úlgilik ereje
1. Jalpy ereje
1. Personaldy basqarý qyzmeti (kadr qyzmeti) óz qyzmetinde Qazaqstan Respýblıkasynyń Konstıtýsııasyn, «Memlekettik qyzmet týraly» Qazaqstan Respýblıkasynyń 1999 jylǵy 23 shildedegi Zańyn, memlekettik qyzmet salasyndaǵy Qazaqstan Respýblıkasy Prezıdenti men Úkimetiniń aktilerin, ózge de Qazaqstan Respýblıkasynyń normatıvtik quqyqtyq aktilerin, sondaı-aq osy Úlgilik erejeni basshylyqqa alady.
2. Personaldy basqarý qyzmeti (kadr qyzmeti):
1)___________________________________________________;
2)___________________________________________________;
3)____________________________________________ turady.
2. Personaldy basqarý qyzmetiniń (kadr qyzmetiniń) negizgi mindetteri, fýnksııalary men quqyqtary
3. Personaldy basqarý qyzmetiniń (kadr qyzmetińiń) mindeti: memlekettik organnyń personaldy basqarýdyń tutas júıesin qalyptastyrý.
Fýnksııalary:
1) memlekettik organnyń personaldy basqarý strategııasyn ázirleý jáne iske asyrý;
2) memlekettik organnyń kadr, onyń ishinde mamandyq jáne biliktilik boıynsha qajettiligin taldaý jáne josparlaý;
3) memlekettik organnyń kadr quramyn qalyptastyrý, konkýrstyq irikteýdi uıymdastyrý;
4) memlekettik organnyń kadr monıtorıngi jáne kadrlyq is júrgizýdi, onyń ishinde «e-qyzmet» personaldy basqarýdyń aqparattyq júıesi arqyly júrgizý;
4. Personaldy basqarý qyzmetiniń (kadr qyzmetiniń) mindeti: memlekettik organnyń personaldy basqarýdyń tutas júıesi sheńberinde memlekettik qyzmetti ótkerýdi qamtamasyz etý.
Fýnksııalary:
1) memlekettik organda kásibı beıimdelý men tálimgerlikti uıymdastyrý;
2) memlekettik organnyń kásibı kadr damýyn, onyń ishinde qaıta daıarlaý, biliktiligin arttyrý, taǵylymdamalardan ótýin uıymdastyrý arqyly qamtamasyz etý;
3) konkýrstyq, attestattaý, tártiptik jáne kadr máseleleri jónindegi ózge de komıssııalardyń qyzmetin uıymdastyrý jáne qamtamasyz etý;
4) memlekettik qyzmetke kirý, ótkerý jáne toqtatý rásimderin saqtaýdy qamtamasyz etý;
5) memlekettik qyzmetshilerdiń qyzmetine baǵalaý júrgizýdi uıymdastyrý, olardyń attestattaý rásimderiniń saqtalýyn qamtamasyz etedi.
5. Personaldy basqarý qyzmetiniń (kadr qyzmetiniń) mindeti: memlekettik organda ujymdyq mádenıetti qalyptastyrý jáne qolaıly áleýmettik-psıhologııalyq eńbek klımatyn damytý.
Fýnksııalary:
1) memlekettik organda eńbek zańnamasy men memlekettik qyzmet týraly zańnamanyń oryndalýyn qamtamasyz etý, eńbek rejımi men jaǵdaılarynyń saqtalýyn, sondaı-aq memlekettik qyzmette bolýǵa baılanysty shekteýlerdiń saqtalýyn qamtamasyz etý;
2) memlekettik qyzmetshilerdiń áleýmettik jáne quqyqtyq qorǵalýyn qamtamasyz etý, memlekettik organ basshysyna olardy kótermeleý jáne yntalandyrý boıynsha usynystardy engizý.
6. Personaldy basqarý qyzmeti (kadr qyzmeti) Qazaqstan Respýblıkasy memlekettik qyzmet salasyndaǵy zańnamamen aıqyndalatyn personaldy basqarý boıynsha ózde de mindetter men fýnksııalardy iske asyrady.
Personaldy basqarý qyzmetine (kadr qyzmetine) olardyń qyzmetine tán emes qosymsha mindetter men fýnksııalar júktelmeıdi.
7. Personaldy basqarý qyzmeti (kadr qyzmeti) Qazaqstan Respýblıkasynyń Zańyna, Qazaqstan Respýblıkasy Prezıdenti men Úkimetiniń aktilerine, ózge de Qazaqstan Respýblıkasynyń normatıvtik quqyqtyq aktilerine sáıkes óziniń mindetteri men fýnksııalaryn iske asyrý úshin qajetti ókilettikterdi ıelenedi.
8. Personaldy basqarý qyzmeti (kadr qyzmeti):
1) Zańmen jáne osy Úlgilik erejemen júktelgen mindetter men fýnksııalardy oryndaý úshin qajetti málimetter men qujattardy memlekettik organnyń basqa qurylymdyq bólimshelerinen suratady jáne alady;
2) memlekettik qyzmet isteri jónindegi ýákiletti organmen jáne onyń aýmaqtyq bólimshelerimen ózara is-qımyl jasaıdy.
3. Personaldy basqarý qyzmetiniń (kadr qyzmetiniń) qyzmetin uıymdastyrý
9. Personaldy basqarý qyzmeti (kadr qyzmeti) memlekettik organnyń jaýapty hatshysyna (jaýapty hatshy laýazymy engizilmegen memlekettik organdarda – apparat basshysyna, apparat basshysy laýazymy bolmaǵan jaǵdaıda – memlekettik organnyń basshysyna) tikeleı baǵynady.
Buıryq Qazaqstan Respýblıkasynyń Ádilet mınıstrliginde 2013 jylǵy 10 sáýirde Normatıvtik quqyqtyq kesimderdi memlekettik tirkeýdiń tizilimine № 8413 bolyp engizildi.