Keshe Polshada Balalar Evrovıdenıesiniń ashylý saltanaty ótti. Qazaqstannyń ókili Erjan Maksım 10-shy nómirde óner kórsetetin boldy. Ol «Armanyńnan qalma!» dep atalatyn ánin Ýels qatysýshysynan keıin oryndaıdy.
Ereje boıynsha jeńimpazdy telekórermenderdiń daýys berý nátıjesi men quramyna úsheýi eresek jáne ekeýi balalardan quralǵan 5 adam, baıqaýǵa qatysýshy elderdiń tóreshileri anyqtaıdy.
Qazaqstandyqtar tek qana Erjanǵa ǵana emes, sonymen qatar ózderine unaǵan ózge elderdiń qatysýshylaryna daýys berý múmkindigine ıe. Kórermenderdiń daýys berýi junioreurovision.tv saıtynda baıqaýdyń fınalyna deıin 23-24 qarasha kúnderi ótedi. Daýys berý aıaqtalǵannan keıin, kórermenderdiń óz súıikti ánshilerine daýys berýlerine taǵy da 15 mınýt ýaqyttary bolady.
Eske sala keteıik, baıqaýdyń aqtyq máresi 24 qarasha bolady. Qazaqstandyqtar ony tikeleı efırde, «Habar» telearnasynan 21.00-de tamashalaı alady.