Elbasynyń 2018 jylǵy 5 qazandaǵy «Qazaqstandyqtardyń ál aýqatynyń ósýi: tabys pen turmys sapasyn arttyrý» atty Qazaqstan halqyna arnalǵan Joldaýynda qoǵamdy sybaılas jemqorlyqqa qarsy is-qımylǵa keńinen tartý maqsatynda aǵymdaǵy jylǵy 12 qarashasynda QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń Aldyn alý jáne parasattylyq basqarmasynyń bas mamany Nurgúl Turlybaıqyzy jáne «Azamattyq quqyq» jeke menshik mekemesiniń dırektory Aınagúl Bekturqyzy Jańaózen qalasynyń medısına salasynyń mamandary ókilderimen kezdesý ótkizdi. Bul týraly atalǵan departamenttiń baspasóz qyzmeti habarlady.
Shara barysynda Nurgúl Muqataı óz sózinde aq halatty abzal jandardyń osy mamandyqty tańdaǵanda-aq eń qıyn joldy alǵany, olar óz ýaqytymen sanaspaı, el úshin qyzmet etýge ant etkenin aıtyp ótti. Endeshe, osyndaı qasıetti mamandyq ıeleri óz qyzmetterinde adal da taza bolýy zańdylyq ekenin atap kórsetti.
Alaıda keıbir qyzmetkerlerdiń «altyn kórip, joldan taıyp» jatatyny da bar. Osyǵan mysal retinde jaza basyp, temir tordyń arǵy jaǵynda opynyp otyrǵan jandar týraly vıdeorolık kórsetildi.
Sonymen qatar Aınagúl Baıbatyrova úkimettik emes uıym tarapynan sybaılas jemqorlyqqa qarsy is-qımyldy tıimdi júrgizý úshin, qoǵamda sybaılas jemqorlyqqa qarsy mádenıetti qalyptastyrý maqsatynda ár qyzmetshi ózgeristi ózinen bastaý kerektigin aıta ótip, tulǵa boıynda qalyptasatyn parasattylyq, adaldyq, ádildik sekildi qundylyqtardy keńinen nasıhattaý qajettiligin aıtty.
Sondaı-aq shara sońynda 1424 sandy qyzý jeli arqyly sybaılas jemqorlyq qylmystar men quqyq buzýshylyqtar jóninde habarlaýǵa bolatyny jóninde, habarlaǵan adam jóninde qupııalyq saqtalatyny jáne aqshalaı syıaqy beriletini jóninde aıtyldy.