BÁRIMIZDIŃ MINDETIMIZ

Ana tilimizdiń qoǵamnyń barlyq salalarynda óz mártebesine laıyq oryn alýy – memlekettik máni bar óte mańyzdy másele. Sol sebepti oblysymyzda memlekettik tildiń qoldanylý aıasyn keńeıtý maq­satynda negizgi úsh baǵyt boı­ynsha júıeli ju­mys­tar atqarylyp keledi. Birinshiden, mem­lekettik organ­dar­­daǵy is qaǵazdarynyń mem­le­ket­tik tilde júr­gi­zi­lý sapasy baqylaýǵa  aly­nyp, qajetti ádis­­temelik kómek kór­se­ti­lýde. Aımaǵy­myz­daǵy qazaq tiliniń ahýalyn saraptaý úshin oblys ákimdi­gi­niń janynan quryl­ǵan mem­le­kettik til saıa­satyn odan ári je­til­dirý jónindegi jumys tobynyń oty­rysynda toqsan saıyn qala, aýdan ákimderiniń esepteri tyńda­lyp, qujattardy memlekettik tilde daı­yndaý jóninde qatań talap qoıyldy. Búgingi kúni oblysymyzdaǵy 10 ákimdik pen 4 basqarmanyń májilis zaly jáne 3 mádenıet  mekemesi ilespe aýdarma quraldarymen jab­dyqtalǵan. Sa­pa­ly aýdarmamen qam­tamasyz etý maqsatynda oblystyq is-sha­ralar jospary sheńberinde ilespe aýdarmashylar oqytylýda. Ekinshiden, “Búginde qazaq tili Qazaqstan hal­qyn bir maq­satqa top­tasty­ra­tyn, ult­tyq jańǵyrýy­myzǵa serpilis týǵyzatyn aıy­ryq­sha kúshke ıe bol­dy” – dep El­basymyz aıt­qan­daı, dostyq­tyń kıeli besigine aınalyp, talaı ultty baýyryna bas­qan Ertis óńirinde ózge ult ókil­deriniń qazaq tiline degen qyzyǵý­shylyǵynyń ar­týyna baılanysty, ákimdik tarapy­nan júıeli túrde tıisti sharalar uı­ymdastyrylyp, qoldaý kórsetilýde. Sonyń nátıjesinde aımaǵy­myzda 1000-ǵa jýyq mektep jasyna deıingi balalar qazaq tilinde tárbıe beretin balabaqshalarda, 500-ge jýyq ózge ult ókilderiniń balalary qazaq mektepterinde, 100-den astam qazaq tilin jetik meńgergen ózge ult stýdentteri joǵary oqý oryn­darynda bilim alýda. Jalpy oblys boıynsha 2009 jyly 12832 ártúrli sanattaǵy azamat memlekettik tildi oqyp úırendi. Bul qazaq tiline  degen suranystyń  artqandyǵynyń belgisi. Úshinshiden, memlekettik til saıasatyn nasıhattaý jáne ony iske asyrý maqsatynda túrli mádenı-bu­qa­ralyq sharalar uıymdastyrylyp ke­ledi. О́zge ult jastarynyń qa­ty­sýymen memleket­tik tildi úırenýdi jarnamalaıtyn beınerolıkter daı­yndalyp, oblys­tyq telearnalardan kórsetilýde. Sondaı-aq, jastardyń bastamasymen “Ortaq til”, “Tildes” baǵdar­la­malary  jaryqqa shyǵýda. S.Toraıǵyrov atyndaǵy Pav­lodar memlekettik ýnıversıtetinde ózge ult stýdentteriniń shyǵarma­shy­lyq ıdeıasymen qazaq teatry ashy­lyp, halqymyzdyń uly klassık­teriniń týyndylaryn sahnaǵa shyǵarýda. Sonymen qatar, ǵalamtorda memlekettik tildegi “Dostyq keńis­tigi”, Halyqaralyq “Qazaq tili” qoǵamy oblystyq uıymynyń “Ertis dıdary” jáne Dúnıejúzi qazaqtary qaýymdastyǵy oblystyq fı­lı­alynyń “Qaıran elim” saıttary jumys isteýde. “Qazaqstannyń bolashaǵy – qazaq tilinde. Tilsiz ult bolmaıdy. О́z ti­li­mizdi saqtaý, óz tilińdi qur­met­teý otan­shyldyq rýhty oıatýǵa qyz­met etedi, ári ata-baba aldyndaǵy uly paryzymyz” – dep Elbasymyz aıt­qandaı, tilimizdiń mereıin kóterip, asqaqtatý bar­shamyzdyń basty mindetimiz. Baqytjan SAǴYNTAEV, Pavlodar oblysynyń ákimi.