Teńdesi joq biregeı avtomektep

Osyndaǵy kóp shákirtterdiń biri bolsa da, adamǵa jaqyn­dy­­ǵymen, elgezektigimen nazar aýdart­­qan. Ana tilinde jatyq sóı­leı­­ti­ni súısintken. Araǵa jyldar sa­lyp kezdeskenimizde dardaı jigit bolyp qalǵan ol kózime ottaı basylyp, burynnan aralas-qura­las jandarsha shurqyrasa tabys­qanbyz. Taǵdyrdyń jazýy­na ne shara, Sálimhan besikten beli shyq­paı jatyp sal aýrýyna shal­dyqty. Jazylmas keseldiń zarda­byn ábden tartty. О́mirdiń qıyn­dyqtarymen kóbirek betpe-bet kezdes­kendikten erte eseıdi. Aǵysqa qar­sy júzýdi, moıymaýdy, jeńe bilýdi úırendi. Ata-ájesi, áke-sheshe­si, ustazdary qoǵamdyq orta­dan óz ornyn tabýyna kóp jár­dem­des­ti. О́zi de mindetin ózgelerge arta salmaı kez kelgen máseleni jeke-dara sheshýge daǵdylandy, namy­syn janydy, shıryqty, shıra­dy. Qaısarlyq, kúreskerlik sekil­di tabandy qa­sıet­terdi bo­ıyna jınaqtady. Basy salbyrap tó­men­shikteı, shegin­shekteı berse, ne­sibe­sinen qur qa­latynyn, tek ózine ǵana sený ke­rektigin uǵyndy. Mek­­tepti jaqsy bitirip, joǵary oqý ornyna tústi. Jýrnalıst maman­dyǵyn alyp shyqty. Kimmen aralas­sa da, qaı ortada júrse de, múge­dek­pin dep qymsynbady. Aıaq-qoly saý za­man­dastarynan oq boıy ozyp júrýge, ol úshin jan-jaqty bilimdi­likpen, ǵylym jetistikterin ıgerý­men moıyndatýǵa umtyldy. Mektep-ınternat qabyrǵasynda birge oqyǵan dosy Aqjan Kári­mov­pen yntymaqtasa jumys is­tep, kóp­tegen ozyq ıdeıalar men jar­qyn bastamalardyń jarshysy boldy. «Ardos júrek» múgedek­ter birlestigin qurysyp, mańa­ıyna týabitti kesel jabysqan taǵ­dyr­lastaryn toptastyrdy. Onda­ǵy maqsat – oılaryn da, boı­la­ryn da sergek ustap, qoǵamnyń bel­sen­di, paıdaly múshesi retinde seziný, derbes ómir súrýge ıkemdelý, el qatarly qyzmet etý edi. Jasy­ra­tyny joq, aralarynda ózde­rin basqa­lardan tómen sanap, tórt qabyr­ǵaǵa telmirip, tipti ma­­syl­dyq pıǵyl­ǵa boı urǵan­da­ry joq emes-ti. Sondaı sa­nat­taǵylardy qatarǵa tartyp, qıyn­dyqqa moıymaýǵa, alǵa um­ty­lý­ǵa, paıdaly kásippen aınaly­sý­ǵa jigerlendirdi.

Sálimhannyń bir oıy – múm­kin­di­gi shekteýli jandarǵa arnalǵan arnaıy avtomektep ashý edi. Onyń ese­binshe, oblys ortalyǵynda ǵana tirek-qımyl júıesi zaqymdanǵan se­giz myńǵa jýyq jan turady eken. Ár­qaısysynyń kókeıinde shir­­kin, kólik júrgizsem degen appaq arman­nyń buǵyp jat­qa­ny anyq. Elba­synyń «Bes áleý­met­tik basta­masy» boıynsha eń úzdik áleý­met­tik joba baıqaýy jarııa­lan­ǵanyn estip, baǵyn synap kórýdi uı­ǵar­dy. Bir qaınaýy ishinde júr­gen ıdeıa­nyń ıinin qandyryp, jetildir­gennen keıin qaǵaz betine túsi­rip, bıznes-josparǵa aınal­dyrdy. Respýblıkalyq kezeń­de oblystyń namysyn qorǵap, star­tap baıqaýynyń jeńimpazy atan­dy. Utyp alǵan qarajatqa «Granta» jeńil kóligi satyp alynyp, Reseıdiń Chelıabi qala­syn­da múgedek adamdarǵa qolmen bas­­qa­­rýǵa yńǵaılanyp jasaldy. Arna­ıy qondyrǵylardy orna­tý­ǵa jergilikti mesenattar qar­­jy­lyq qoldaý kórsetti. Talapqa saı jaraqtandyrylǵan kólik tirkeý­den ótip, avtomektep ashylǵanda múm­kindigi shekteýli jandar qan­daı qýandy deseńshi! Bul jerde negi­zinen tirek-qımyl apparaty zaqym­danǵandar oqıdy. Tórt adam kýrsty aıaqtap, tıisti qujattaryn aldy. Solardyń biri – Ekaterına Zales­kaıa. O­l qazir avtokólikti erkin júrgizedi.

Jaqynda Nur-Sultan qala­synda «Qazaqstannyń úzdik áleý­met­tik jobalary» respýb­lıka­lyq baıqaýynyń qory­tyn­dy­sy shy­ǵaryldy. Marapattaý rásimi Táýel­sizdik saraıynda Premer-Mınıs­trdiń orynbasary Berdibek Saparbaev­tyń qatysýymen ótip, úzdik joba­lar bes baǵyt bo­ıynsha baǵalandy. Baıqaýǵa 224 ótinim túsýi mańyzdylyǵynyń joǵary dárejede bolǵanyn aıǵaqtasa kerek. Olardan 57 joba iriktelip alynyp, júzden ozǵan júırikterge qurmet kórsetildi. Úshinshi júldeli oryndy Maǵjan elinen kelgen Sálimhan Sábıtov ıelenip, jarty mıllıon teńgeniń sertıfıkaty tapsyryldy. Ko­mıs­­­sııa músheleri ol usynǵan «Teń jol» jobasy qolmen bas­qa­rylatyn kólikte avtomobıl kýrs­taryn uıymdastyrý jáne júr­gizýshi kýáligin berý arqy­ly tirek-qımyl apparaty buzyl­ǵan jandardy oqytýdyń utym­dy formasy ekenin atap ótti. Múge­dekterdi ońaltý júıesine ene­tin jańashyldyqqa balady.

– Endi jobany respýblı­ka kóle­­minde júzege asyrýǵa múm­kin­dik týyp otyr. Qyzy­ǵý­shylar kóp. Olarǵa franshıza retinde satpaımyn, syıǵa bere­min. Kelesi jyly Qostanaı men Jańaózen qala­larynda uıym­das­tyr­maqpyz, – deıdi jas kásipker.

Sálimhan – segiz qyrly, bir syr­­ly azamat. Qalamy júırik jýr­­nalıst. Áńgime, óleń jazady. Salamatty ómir saltyn serik etken, sportpen shuǵyldanady. Toǵyz­qumalaqtan jergilikti jýr­na­lıs­ter spartakıadasynyń bir­neshe dúrkin jeńimpazy. Múm­kindigi shekteýli jandar ara­synda uıymdastyrylǵan el bi­rin­shi­ligin­de dısk, ıadro laqtyrýdan júl­de­ger­ler qatarynan kórinip júr.

Soltústik Qazaqstan oblysy