21 jeltoqsanda Reseıdiń Krasnoıarsk qalasynda birqatar memlekettiń jýan judyryqty jigitterdiń qatysýymen úlken kásipqoı boks keshi ótedi.
Osy jarysta Qazaqstannyń qos bylǵary qolǵap sheberi kúsh synasady. Olar – Aıdos Erbosynuly men Nursultan Janabaev. Sýper orta salmaqtaǵy Aıdos (12 jekpe-jek, 12 jeńis, 8 nokaýt) qazirgi kezde WBA Inter-Continental, WBO Global jáne WBC Asia nusqalary boıynsha altyn belbeýdi ıelenýde. Jartylaı orta salmaqtaǵy Nursultan (8 jekpe-jek, 8 jeńis, 5 nokaýt) WBA Inter-Continental, WBO Oriental jáne IBF Pan Pacific nusqalarynyń chempıony.
Al osy keshtiń basty báskesinde reseılik Denıs Lebedev pen Ońtústik Afrıka Respýblıkasynyń ókili Tabıso Mchýnýmen aıqasady. Qos sańlaq birinshi aýyr salmaqtaǵy WBA men IBF nusqalarynyń chempıondyq tájin sarapqa salady.