Qyrymbek Kósherbaev Qazaqstan Respýblıkasynyń Prezıdenti janyndaǵy konsýltatıvti-keńesshi organdardyń jumysyna arnalǵan keńes ótkizdi.
Qazaqstan Respýblıkasynyń Memlekettik hatshysy Qyrymbek Kósherbaev Qazaqstan Respýblıkasynyń Prezıdenti janyndaǵy konsýltatıvti-keńesshi organdardyń jumysyn odan ári jetildirý máselesine arnalǵan keńes ótkizdi.
Memlekettik hatshy «Ýaqyt talabyna sáıkes, respýblıkalyq komıssııalar jumysyn jandandyryp, jańashyldyqtar engizý – bárimizdiń ortaq mindetimiz. Eń bastysy komıssııa sheshimderi elimiz úshin naqty nátıjeler berýi tıis», – dep atap kórsetti.
Keńeste respýblıkalyq komıssııalardyń quramyn zııaly qaýym, azamattyq sektor jáne úkimettik emes uıymdardyń ókilderimen jańartý, Memleket basshysynyń talabyna sáıkes bılik pen qoǵam arasyndaǵy dıalogty odan ári tereńdetý, komıssııalar jumysyn zamanǵa saı jetildirýde halyqaralyq tájirıbeni zerdeleý máseleleri talqylandy, dep habarlady Prezıdenttiń baspasóz qyzmeti.