Keshe Parlament palatalarynyń birlesken otyrysy bolyp, onda besinshi saılanǵan Qazaqstan Respýblıkasy Parlamentiniń ekinshi sessııasy resmı túrde jabyldy. Jáne de kún tártibindegi ekinshi másele – eki aıǵa sozylatyn parlamenttik kanıkýl oń sheshimin tapty.
Keshe Parlament palatalarynyń birlesken otyrysy bolyp, onda besinshi saılanǵan Qazaqstan Respýblıkasy Parlamentiniń ekinshi sessııasy resmı túrde jabyldy. Jáne de kún tártibindegi ekinshi másele – eki aıǵa sozylatyn parlamenttik kanıkýl oń sheshimin tapty.
Otyrysqa Premer-Mınıstr, Konstıtýsııalyq Keńestiń, Joǵarǵy Sottyń jáne Ortalyq saılaý komıssııasynyń tóraǵalary, Úkimet músheleri, Prezıdentke tikeleı baǵynatyn jáne esep beretin memlekettik organdardyń jáne Úkimet quramyna kirmeıtin agenttikter basshylary, Prezıdent Ákimshiliginiń, Premer-Mınıstr Keńsesiniń, Parlament palatalary apparattarynyń jaýapty qyzmetkerleri jáne buqaralyq aqparat quraldarynyń ókilderi qatysty.
Birlesken otyrysta sóz alǵan Májilis Tóraǵasy Nurlan Nyǵmatýlın Parlament jumysynyń basym baǵyttaryn aıta kelip, aldaǵy mindetterge de keńinen toqtaldy. Tóraǵa, ásirese, Parlamenttiń ekinshi sessııasyna júktelgen jaýapkershilikke basa nazar aýdardy. Bul, eń aldymen, Elbasymyz Nursultan Ábishuly Nazarbaevtyń «Qazaqstan – 2050» Strategııasynda aıtylǵan, Qazaqstan damýynyń aldaǵy onjyldyqtarǵa arnalǵan naqty maqsattary men aıqyn joldary kórsetilgen, elimiz damýynyń jańa belesimen baılanysty, dedi Nurlan Zaırollauly sózin sabaqtaı kelip. Joldaýda aıtylǵan mindetter jáne Elbasynyń Parlament sessııasynyń ashylýynda júktegen áleýmettik jańǵyrtý baǵdarlamasyn zańnamalyq qamtamasyz etý jumystary negizinen oıdaǵydaı júzege asyp otyr.
Sondaı-aq, spıker fraksııalardyń ózara qatynasynyń, Úkimetpen birlesken jumystyń jańa, burynǵydan joǵary deńgeıge kóterilgenin de nazardan tys qaldyrmady. Eger Májilistiń birinshi sessııasy saılaýdan keıingi, kóppartııaly depýtattyq korpýstyń jańa quramy bekitilgen alǵashqy «beıimdelý, jattyǵý» kezeńi dep eseptelse, al qazirgi sessııany halyq qalaýlylarynyń zań shyǵarý jumysyndaǵy kásibı deńgeıligi men eńbek qarqyny baıqalǵan jańa belesi dep baǵalaýǵa bolady. Jalpy alǵanda, aǵymdaǵy sessııada Parlament palatalarynyń 3 birlesken otyrysy, Májilistiń – 38, al Senattyń 27 jalpy otyrystary ótip, 96 zań qabyldanyp, Prezıdenttiń qol qoıýyna jiberilgen.
Osy rette «2013-2015 jyldarǵa arnalǵan respýblıkalyq bıýdjet týraly» Zańǵa erekshe nazar aýdarylǵanyn aıta ketý kerek. Tóraǵa atalǵan qujatqa sáıkes, aldaǵy úsh jyldyq bıýdjette barlyq áleýmettik josparlardy oryndaýǵa, halyqty eńbekpen jáne azamattardy turǵyn úımen qamtýǵa erekshe kóńil bólingenin tilge tıek etti. Sondaı-aq, qazaqstandyqtardyń ómir sapasyn jaqsartý, aımaqtardy damytý, qaýipsizdikti nyǵaıtý, tótenshe jaǵdaılardy boldyrmaý, aldyn alý, quqyqtyq tártip máseleleri de bıýdjette qaralǵan basym baǵyttardyń biri ekendigine erekshe toqtaldy.
Parlamentte Úkimet pen Respýblıkalyq bıýdjettiń atqarylýyn baqylaý jónindegi esep komıtetiniń bıýdjettiń oryndalýyna baılanysty esebi tyńdalyp, depýtattardyń memlekettik organdardyń strategııalyq jáne bıýdjettik josparlaýdy jetildirý, memlekettik aktıvterdi basqarý tıimdiligin arttyrý boıynsha birqatar eskertýler men usynystar jasaǵany da nazardan tys qalǵan joq. Osy oraıda Májilis Tóraǵasy Úkimet depýtattyq korpýs tarapynan aıtylǵandardyń barlyǵyn tolyqtaı esepke alady degen senimin alǵa tarta otyryp, ol respýblıkalyq bıýdjetti oryndaý men josparlaý tıimdiligin odan ári arttyrýǵa yqpal etedi degenge erekshe ekpin berdi.
Prezıdenttiń Parlament aldyna qoıǵan mańyzdy tapsyrmalarynyń biri – ekonomıkalyq damýdyń quqyqtyq bazasyn jaqsartý ekendigin sózine arqaý etken N.Nyǵmatýlın depýtattar qabyldaǵan jáne qaraýda jatqan tıisti zańdar jaıyn da qaperge aldy. Olardyń qatarynda «Mıkroqarjylyq uıymdar týraly» zań da bar. Atalǵan zań mıkroqarjylyq uıymdar qyzmetin tutynýshylardyń múddeleri men quqyn qorǵaýǵa, halyqty qoljetimdi shaǵyn nesıelermen qamtamasyz etýge baǵyttalǵan. Al «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» Zań Keden odaǵynyń kedendik zańnamalar qaǵıdalaryna sáıkestendirý úshin salyqtyq ákimshiliktendirý tetikterin qaıta qaraý maqsatyn kózdeıdi. Ási