Jol ústinde qater kóp

Al Esil aýdanynda jylqyny soqqan sheteldik kóliktiń júr­gizýshisi men onyń jolaýshysy aýyr jaraqat aldy. Birneshe kún­nen keıin zardap shekken áıel alǵan jaraqattyń saldarynan qaıtys boldy. О́tken dúısenbide Aqqaıyń aýdanynda da osyǵan uqsas oqıǵa bolyp, eki adam zardap shekti. Barlyq jol apattary túnde oryn alǵanyn atap ótken jón.

«Maldyń qatysy bar jol-kó­lik oqıǵalarynyń aldyn alý maqsatynda is-sharalar ótkizý qajettigi týraly barlyq aýmaq­tyq bólinisterge nusqaý be­ril­di. Patrýldik polısııa qyz­met­ker­leri, ásirese qarańǵy túse bul máselege erekshe nazar aýda­rady. Respýblıkalyq mańyzy bar joldardyń ústinde nemese janynda bos jaıylyp júrgen mal anyqtalǵan jaǵdaıda jergilikti atqarýshy organdarǵa habarlap, maldy jol mańynan alysqa aıdaý sharalary qabyldanady», dedi oblystyq PD Jergilikti po­lısııa qyzmeti basqarmasynyń bastyǵy, polısııa podpolkovnıgi Aıdyn Baımatov.

Apatqa sebepshi bolǵan mal ıe­lerine Ákimshilik kodeks boıynsha jaýapkershilik kóz­delgen. Sonymen birge jábir­lenýshiler keltirilgen materıal­dyq shyǵyndy óteý maqsatynda sotqa júginýge quqyly. Maldy joldan arnaıy «Maldy ótkizý» belgisi ornatylǵan jerden ǵana aıdap ótýge bolady. Sondaı-aq polıseıler júrgizýshilerge jyl­damdyqty shekten tys asyrmaýǵa keńes beredi. «Maldy ótkizý» bel­gisi turǵan jaǵdaıda mindetti túr­de jyldamdyqty azaıtý qa­jet. Sony­men birge qarańǵyda jabaıy ań­dardyń da jolǵa shyǵa keletinin esten shyǵarmaǵan jón.

IID qyzmetkerleri mal ıe­leriniń jergilikti atqarýshy organ­darmen jáne malshylarmen úsh jaqty shart jasap, tórt túlikti uıymdastyrylǵan túr­de baǵýdy qamtamasyz etý kerek­tigine nazar aýdarýyn talap etip otyr.

Soltústik Qazaqstan oblysy