Búgin 18.00-de Nur-Sultan qalasyndaǵy Jastar teatrynda erekshe akterler teatry abyroı, ar, erlik jáne dástúrge adaldyq syndy jalpy adamı qundylyq máseleleri, erekshe qajettilikke ıe adamdy áleýmettendirý taqyrybyn negiz etip alynǵan #My s toboı odnoı krovı áleýmettik dramasyn kórermender nazaryna usynady. Kórsetilimdi «Degdar» Qorynyń qoldaýymen Ulttyq Delfıı Komıteti uıymdastyryp otyr.
Erekshe qajettilikke ıe shyǵarmashyl jastardy júıeli qoldaý maqsatynda Ulttyq Delfıı Komıteti Ulttyq Delfıı oıyndarynyń paradelfıı atalymynyń logıkalyq jalǵasy bolyp tabylatyn Soltústik Qazaqstan oblysy Petropavl qalasy Erekshe akterler teatrynyń negizin qalady.
Teatr trýppasynyń quramynda estý, kórý, tirek-qımyp apparaty, mentaldy aýytqýshylyǵy bar jastar qamtylǵan. Teatr jumysqa kirisken 6 aı ishinde repertýarynda úsh túrli qoıylym, 50 gastroldeýshi akter, elimizdiń barlyq aımaǵy boıynsha gastroldik týr aıasynda 40 ret oınalǵan spektakl bar ekendigin aıta ketken jón. Rejısserlik-qoıylymdyq quramǵa teatr óneri, rejıssýra, ssenografııa, ym-ıshara tilin oryndaý sheberi jáne t.b. kásipqoılary kirdi.
Uıymdastyrýshylar joba aıasynda erekshe qajettilikke muqtaj jastardy áleýmettendirý men ońaltýdyń aıtarlyqtaı nátıjesin baqylaýda ustaıdy. Máselen, Daýn sındromyna shaldyqqan akterlerdiń sóıleýinde qarqyndy damý, beımazalyq deńgeıiniń tómendeýi baıqalady, ujymda ózara áreket etý qabileti damıdy. Estý qabiletinde aqaýy bar jastarda oqý úlgeriminiń joǵarylaýy, ózin-ózi baǵalaýynyń artýy, «ózin kem sezinýdiń» tómendeýi baıqalady. Onyń ústine, ata-analar men pedagogter aıtqandaı, gastroldik sapar, oryn men jerdiń aýysýy dúnıetanymynyń keńeıýi men áleýmettik mashyqtardy ıelenýine oń yqpalyn tıgizedi.