Sársenbi, 10 shilde 2013 2:54
Qoldaǵy derekterge kóz júgirte otyryp, araq dese aryn da, baryn da satatyn soltústik óńirdegi maskúnemderdiń sany kemý qaıda deısiń. Aldyn aıpar, janyn jaıpar qyzyl tili sýmańdaǵan órt sekildi órship barady. Máselen, byltyr «aqańdy» kórse boldy tórkinin saǵynǵan kelinshekteı eki kózi botalap qoıa beretin 8678 ishkish tirkeýge alynsa, bıylǵy jyldyń 5 aıynda olardyń sany 7 myńnan asyp jyǵylǵan. Al, úıinen de, kúıinen de aıyrylyp, usharyn jel, qonaryn saı biletin 82 taza maskúnem narkologııalyq ortalyqqa toǵytylǵan.
Sársenbi, 10 shilde 2013 2:54
Qoldaǵy derekterge kóz júgirte otyryp, araq dese aryn da, baryn da satatyn soltústik óńirdegi maskúnemderdiń sany kemý qaıda deısiń. Aldyn aıpar, janyn jaıpar qyzyl tili sýmańdaǵan órt sekildi órship barady. Máselen, byltyr «aqańdy» kórse boldy tórkinin saǵynǵan kelinshekteı eki kózi botalap qoıa beretin 8678 ishkish tirkeýge alynsa, bıylǵy jyldyń 5 aıynda olardyń sany 7 myńnan asyp jyǵylǵan. Al, úıinen de, kúıinen de aıyrylyp, usharyn jel, qonaryn saı biletin 82 taza maskúnem narkologııalyq ortalyqqa toǵytylǵan. Oblystyq quqyq qorǵaý organdarynyń úılestirý keńesine qatysýshylar jaǵdaıdyń alańdatarlyq shekke jetkenin, bulaı jalǵasa berse, onyń sońy úlken qasiretke aınalatynyn jasyrmady. О́ńirdegi árbir segizinshi qylmys ishimdik saldarynan jasalsa, 2012 jyly bul kórsetkishtiń 55 paıyzǵa artýy oılandyrmaı qoımaıdy. Aıyqtyrǵyshqa túnep shyqqandardyń arasynda bir qolmen besik, bir qolmen álem terbetetin názik jandar, tipti kámeletke tolmaǵandar da az kezdespeıdi.
Keńeste adamdardy jıirkenishti ázázilden alastatyp, salamatty ómir saltyna beıimdeý is-sharalarynyń jetkiliksiz júrgiziletini, jergilikti bılik oryndary tarapynan aldyn alý, boldyrmaý jumystarynyń pármensizdigi syn tezine alyndy. Sondaı-aq, arnaıy emdeý uıymdarynyń qaýqarsyzdyǵy belgili boldy. Blagoveshenka aýylyndaǵy ishimdik pen esirtkiden májbúrlep emdeý mekemesi 150 adamdy ǵana qabyldaı alady eken. Sonyń saldarynan emdelýshilerdiń uzynsonar kezegi qalyptasqan. Joǵary bilimdi dárigerler tapshy.
Prokýratýra qyzmetkerleri oblystyq narkologııalyq dıspanserdegi birqatar keleńsiz jaıttardy áshkerelegen. Tekserý barysynda esirtki men ishimdikke qumartýshylardyń esepten esh sebepsiz shyǵarylatyny anyqtalǵan. Soraqysy sol, tirkeýge alynsa da, tıisti medısınalyq kómekten múldem syrt qalǵan «óli jandar» tabylǵan. Osyndaı 11 faktiniń tabylǵanyna qarap-aq jumys sapasynyń qandaı deńgeıde ekenin baǵamdaı berýge bolady.
О́mir ESQALI,
«Egemen Qazaqstan».
Soltústik Qazaqstan oblysy.