Memlekettik saparmen Qyrǵyzstan astanasy Bishkekke kelgen Prezıdent Qasym-Jomart Toqaev Qyrǵyzstan basshysy Sooronbaı Jeenbekovpen birge «Ata-Beıit» memorıaldyq keshenine bardy.
Prezıdentter marqumdardyń rýhyna taǵzym etti. Memleket basshylary Shyńǵys Aıtmatovtyń beıitine gúldeste qoıdy.
Qazaqstan Prezıdenti osy sapar aıasynda Sooronbaı Jeenbekovpen ekijaqty kezdesý ótkizedi, sondaı-aq Qazaqstan Respýblıkasy men Qyrǵyz Respýblıkasy Joǵary memleketaralyq keńesiniń 5-otyrysyna qatysady dep josparlanǵan. Kelissózder barysynda saıası, saýda-ekonomıkalyq, ınvestısııalyq jáne mádenı-gýmanıtarlyq saladaǵy ekijaqty is-qımyldar máselesi talqylanbaq.
Memleket basshysy 28 qarasha kúni ótetin Ujymdyq Qaýipsizdik týraly shart uıymy Ujymdyq qaýipsizdik keńesiniń sessııasyna qatysady.
Bishkekten