Memlekettik saparmen Bishkekke kelgen Qazaqstan Prezıdenti Qasym-Jomart Toqaev Qyrǵyz Respýblıkasy Prezıdentiniń rezıdensııasy Ala Archa keshenine at basyn tiredi.
Qyrǵyz Respýblıkasynyń Prezıdenttik orkestri Qazaqstan Prezıdentiniń qurmetine oraı eki memlekettiń resmı gımnin oryndady, Qurmetti qaraýyl basshysy tıisinshe raport berdi. Qalyptasqan rásim boıynsha Prezıdentter qol alysyp, birge fotosýretke tústi.
Qazaqstan Prezıdenti osy sapar aıasynda Sooronbaı Jeenbekovpen ekijaqty kezdesý ótkizedi, sondaı-aq Qazaqstan Respýblıkasy men Qyrǵyz Respýblıkasy Joǵary memleketaralyq keńesiniń 5-otyrysyna qatysady dep josparlanǵan. Kelissózder barysynda saıası, saýda-ekonomıkalyq, ınvestısııalyq jáne mádenı-gýmanıtarlyq saladaǵy ekijaqty is-qımyldar máselesi talqylanbaq.
Arnur ASQAR,
«Egemen Qazaqstan» – Bishkekten