Keshe Tuńǵysh Prezıdent kúnine oraı «Qazaqstan» ortalyq konsert zalynda Elbasy Nursultan Nazarbaevtyń qatysýymen «Elin súıgen, eli súıgen Elbasy» atty konsert ótti.
Konsert aldynda Elbasy Nursultan Nazarbaev «Tarıhı tańdaý» kórmesin aralap kórdi. Kórmege usynylǵan árbir biregeı zattyń tarıhtan syr shertetinin ańǵarýǵa bolady. Munda Tuńǵysh Prezıdenttiń táýelsiz Qazaqstannyń qalyptasýyndaǵy tarıhı rólin jan-jaqty zerdeleıtin Elbasy kitaphanasynyń mýzeı kolleksııasyndaǵy muraǵattyq materıaldar men biregeı zattar, Ult kóshbasshysynyń ómirbaıany men shyǵarmashylyq joly, Qazaqstan Táýelsizdigine qol jetkizýi jáne damýy jolyndaǵy qujattar qoıylǵan. Sondaı-aq munda Tuńǵysh Prezıdent – Elbasynyń jeke kitaphanasynan 145 kitap pen 220 eksponat usynylǵan. Elbasy kórmege usynylǵan árbir muraǵattyq dúnıege zer salyp, erekshe yqylaspen qarady.
Kórmeden soń Elbasy Mádenıet jáne sport mınıstrligi jáne Memlekettik kúzet qyzmetiniń uıymdastyrýymen ótken «Elin súıgen, eli súıgen Elbasy» atty merekelik konsertti tamashalady. Munda Memlekettik kúzet qyzmetiniń Prezıdenttik orkestriniń jáne «Qazaqkonsert» memlekettik konserttik uıymynyń ártisteri, belgili opera jáne estrada ánshileri óner kórsetti.
Merekelik keshke kelgen qonaqtar áýezdi án tyńdap, Táýelsiz Qazaqstannyń qurylýy men qalyptasýyndaǵy Prezıdent róline taǵy bir kýá boldy.