Kenshiler astanasynda Qaraǵandy oblysy ákiminiń kýbogy úshin «Jaıdarman» festıvali ótti. Atalǵan sharany oblystyq jastar saıasaty máseleleri jónindegi basqarma men «Qaraǵandy oblysynyń jastar men balalar uıymdarynyń odaǵy» jastar qoǵamdyq birlestigi tize qosyp uıymdastyrdy.
Jastardyń dýmandy keshine Qaraǵandy oblysy ákiminiń orynbasary Abzal Núkenov pen Qazaqstan KTK odaǵynyń prezıdenti Esen Eleýken qurmetti qonaq retinde qatysty.
«Jaıdarman» festıvalinde 11 komanda baq synady. Qazylar alqasynyń sheshimimen birinshi júldege ádemi ázilimen, taýyp aıtqan qaljyńymen, ártistik sheberlikterimen erekshelengen «Kúlki sındromy» komandasy laıyqty dep tanyldy. Ekinshi jáne úshinshi júldege, sáıkesinshe, «Agro» ujymy men Sátbaev qalasynyń qurama komandasy ıe boldy.
Jeńimpaz jáne júldeger komandalarǵa kýbok, dıplom jáne aqshalaı sertıfıkattar tabys etildi.