Búgin Qazaqstan Respýblıkasy Parlamenti Májilisiniń Áleýmettik-mádenı damý komıtetiniń «Pedagog mártebesi týraly» zań jobasy boıynsha keńeıtilgen otyrys bolyp ótti. Jıynǵa Bilim jáne ǵylym mınıstri A. Aımaǵambetov qatysty.
«Memleket basshysynyń tamyz konferensııasynda bergen tapsyrmasy aıasynda aldaǵy tórt jyl ishinde muǵalimderdiń jalaqysy eki esege artady. Bul – kelesi jyldan bastap pedagogterdyń jalaqysy 25%-ǵa kóbeıedi dedi óz sózinde A. Aımaǵambetov.
Onyń aıtýynsha, zań jobasynda muǵalimderdiń óz quzyretin arttyrýǵa baǵyttalǵan materıaldyq yntalandyrý normalary da qarastyrylǵan. Mektepterde pedagog qyzmetkerlerdiń sapaly áleýetin arttyrýdy yntalandyrý maqsatynda magıstr dárejesi bar tulǵalar úshin 10 AEK mólsherinde qosymsha aqy kózdeledi. Jalpy Zań jobasy sheńberinde mártebeni arttyrý jónindegi jańashyldyqtar barlyq muǵalimderge áser etetinin atap ótken jón.