Lıberaldy-demokrattar Japonııa parlamentiniń eki palatasyna da baqylaýdy óz
qoldaryna aldy. Premer Sındzo Abeniń endi el ekonomıkasyn jandandyryp, áskerı qýatyn arttyrý boıynsha josparlaǵan jumystaryn kedergisiz júzege asyrýǵa múmkindigi bar.
Japonııada ótken parlamenttiń joǵarǵy palatasyna saılaýda Lıberal-demokratııalyq partııa men «Jańa Komeıto» partııasy úlken basymdyqpen jeńiske jetti. Sóıtip, keshegi málimet boıynsha, atalǵan partııalar parlamenttiń joǵarǵy palatasyndaǵy 121 orynnyń 76-syn ıelenip otyr. Osylaısha bıleýshi koalısııa alty jyldan beri tuńǵysh ret eki palatada da kópshilikke ıe boldy.
Fılıpp – Belgııanyń jańa koroli
Belgııa taǵyna 53 jastaǵy jańa monarh Fılıpp kóterildi. Buǵan deıin onyń ákesi Albert II-niń taqtan bas tartý rásimi ótti. Ol óziniń sońǵy sózinde belgııalyqtardy tutastyqqa shaqyrdy.
Fılıpp ulttyq parlamenttiń qos palatasy músheleriniń aldynda monarh retinde ant berdi. Osy sharaǵa oraı Brıýsseldegi korol saraıyna 250 joǵary shendi qonaqtar, onyń ishinde úkimet músheleri de bar, shaqyryldy. Albert II Belgııany 20 jylǵa jýyq ýaqyt basqarǵan edi. Sóıtip, ol ulynyń paıdasyna taqtan resmı túrde bas tartty. Albert bul qadamyn densaýlyǵymen jáne jasy kelip qalǵanymen túsindirdi.
AQSh sanksııa engizemiz dep qorqytty
AQSh memlekettik hatshy Djon Kerrı Venesýela syrtqy ister mınıstri Elıas Haýaǵa eger AQSh Ortalyq barlaý basqarmasynyń burynǵy qyzmetkeri Edvard Sonýdenge saıası baspana berilgen jaǵdaıda Venesýelanyń qatań ekonomıkalyq sanksııaǵa dýshar bolatynyn eskertti.
Atap aıtqanda, Dj.Kerrı AQSh-tyń Venesýelaǵa benzın men basqa da munaı ónimderin satýdy doǵaratynyn, al onyń ushaqtaryna NATO elderiniń áýe keńistigin kesip ótýge tyıym salynatynyn málimdedi. Sonymen qatar, Venesýelanyń basshylyǵyna AQSh aýmaǵyna kirýge ruqsat etilmeıtinin eskertti. Qazirgi kezde E.Snoýden Máskeýdegi «Sheremetevo» áýejaıynyń arnaıy bólmesinde sheshim kútip otyr.
Qysqa qaıyryp aıtqanda:
Kolýmbııanyń Venesýelamen shekarasyna jaqyn mańda partızandardyń tutqıyldan shabýyly barysynda Kolýmbııa armııasynyń 17 soldaty qaza tapty. Birneshe partızan da kóz jumǵan. Tutqynǵa alynǵandary da bar.
Aýǵanstannan koalısııalyq kúshterdiń shyǵaryla bastaǵany belgili. Olardyń bazalar mańynda qaldyrǵan granatalary men snarıadtary jáne mınalaryna kúni búginge deıin 50 aýǵandyq jarylyp ólgen.
Túrkııada júzdegen adam taǵy da Ystambuldaǵy Taksım saıabaǵyna ótpekshi bolǵan edi. Biraq olardy polısııa sýmen atqylap qýyp taratty. Jalpy, eldegi jaǵdaı qalypty bolyp otyrǵanymen, Ankara men Ystambulda sherýler jalǵasýda.
AQSh-tyń keıbir shtattarynda kún kúıip tur. Nıý-Djersı shtatyndaǵy órtten úsh turǵyn úı tolyqtaı janyp ketti. 50 adam zardap shekti. О́rt sebebi anyqtalýda. Qazirgi kezde shtatta termometr baǵanasy 40 gradýstan túspeýde.
Iraktyń ortalyq bóliginde jasalǵan lańkestikten kem degende 20 adam opat boldy. Jarylys súnnıt meshitteriniń birinde jasalǵan. Bul jóninde eldiń quqyq qorǵaý organdary habarlady.
Ispanııada memlekettik qaryz tek ústimizdegi jyldyń mamyr aıynda ǵana 23 mln. eýroǵa ósip, 927 mln. eýroǵa, ıaǵnı rekordtyq kórsetkishke jetti. Bul – eldiń ishki jalpy óniminiń 89,6 paıyzy degen sóz.
Iran «beıshara» Izraılden qaımyqpaıdy
Irannyń jańadan saılanǵan prezıdenti Hassan Roýhanı Izraıl tarapynan áskerı qater tónýi yqtımaldylyǵyn joqqa shyǵardy. «Keıbir elder Izraıl sııaqty «beıshara» el týraly osyndaı áńgime qozǵaǵan kezde tek kúlkiń keledi», deıdi ol.
«Bizge qoqan-loqy jasaıtyn sıonıster degen kimder sonshama?» – deıdi taǵy da Iran prezıdenti. Buǵan deıin Izraıl premeri Benıamın Netanıahý óziniń eli Iranǵa preventıvti soqqy jasaı alatynyn málimdegen edi. Sondaı-aq ol eger Iranǵa qarsy engizilgen sanksııalar óz deńgeıinde nátıje bermeıtin bolsa, onda AQSh soǵys is-qımylyna júginýi tıis degen pikir de bildirgen bolatyn.
Úndistan óz shekarasyn kúsheıtedi
Úndistan mınıstrler kabınetiniń qaýipsizdik jónindegi komıteti Qytaımen daýly shekara bóligine qosymsha 50 myń soldat ornalastyrý týraly usynysty maquldady. Bul úshin bılik 10 mıllıard dollardan astam qarjy bólýdi qarastyrmaq.
Al áskerıler Batys Bengalııa, Bıhar, Assam, Djammý jáne Kashımır shtattaryna baǵyttalatyn bolady. Buǵan qosa armııa shekaraǵa áskerı-kólik ushaqtaryn jibermek. Áskerılerdi ornalastyrýǵa qansha ýaqyt ketetini týraly áńgime aıtylmaıdy. Eske sala ketsek, munyń aldynda Úndistan qorǵanys mınıstri Pekınge ústimizdegi jyldyń sáýir aıynda Qytaıdyń Ladakh provınsııasynda lager qurǵanyna oraı Úndistannyń óz shekarasyn qorǵaıtynyn eskertken edi.
Qytaıdaǵy zilzala qurbany – 47 adam
Qytaıdyń ortalyq bóliginde jer silkinisi tirkeldi. Zilzala saldarynan kem degende 47 adam kóz jumdy. 296 adam túrli dene jaraqattaryn aldy. Aldyn ala derekterge qaraǵanda, eń az degende 380 ǵımarat, myńdaǵan qurylystar zardap shekken.
Tabıǵat apatynyń saldaryn joıýǵa 500-den astam adam jiberilgen. Al jer silkinisi keshe erteńgisin Gansý provınsııasynda oryn alǵan. Qytaı seısmologtarynyń baǵalaýynsha, negizgi jer silkinisiniń magnıtýdasy 6,6 balldy quraǵan. «Sınhýa» agenttiginiń derekterine súıensek, Meıchýan jáne Pýma eldi mekenderi aıtarlyqtaı zardap shekken. Jergilikti turǵyndardyń sózderine qaraǵanda, jer silkinisi 1 mınýt boıy sezilip turǵan.
Internet materıaldary negizinde ázirlendi.