Eńbek jáne halyqty áleýmettik qorǵaý mınıstri Gúlshara Ábdihalyqova jumys saparymen Mańǵystaý oblysynda boldy.
Mınıstr jumys saparyn oblystaǵy áleýmettik nysandardy aralap kórýden bastady. Olardyń ishinde respýblıkamyzda alǵash ret qurylysy qolǵa alynyp paıdalanýǵa berilýi jaqyn oralmandardy beıimdeý jáne kiriktirý ortalyǵyn aralap kórdi. 200 oralman otbasyn 5-6 aı merzimge qabyldap, túrli qyzmetter kórsetiletin ortalyqta olardyń ýaqytsha qyzmet jasaýlary úshin kásipkerlikpen de aınalysýlaryna jaǵdaı jasalmaqshy. Mınıstr sondaı-aq, oralmandardy jan-jaqty qamqorlyqqa bóleıtin “Nurly kósh” óńirlik baǵdarlamasyna sáıkes qanatqaqty jobanyń júzege asý barysy talqylanǵan keńes jumysyna qatysty. Osy jobaǵa saı 2010-2011 jyldary 4010 otbasyn joǵary jáne orta damý áleýeti bar 5 aýdannyń 7 eldi mekenine ornalastyrý belgilenip otyr.
Jolaman BOShALAQ.
AQTAÝ.