Qaraǵandy oblysyndaǵy Sátbaev qalasynda «Jastar jyly» men Qanysh Sátbaevtyń 120 jyldyǵy aıasynda «Uly dala úni» atty halyqaralyq jas aqyndar aıtysy uıymdastyryldy.
Eki kúnge sozylǵan jyr dodasynda Qytaı, Mońǵolııa, Qyrǵyzstan sııaqty shet memleketterden jáne Qazaqstannyń túpkir-túpkirinen kelgen 18 shaıyr óner jarystyrdy.
Bul joly Qazaqstannyń eńbek sińirgen qaıratkeri Júrsin Erman qazylar alqasyn basqarsa, shaıyrlar saıysyn fılologııa ǵylymdarynyń doktory, professor, ataqty aıtysker aqyn Amanjol Áltaı júrgizdi.
Qazylar alqasynyń sheshimi boıynsha osymen besinshi márte shymyldyq túrgen aıtystyń jeńimpazy bolyp Taraz qalasynan kelgen talantty aqyn Qanat Myrzahan tanyldy. Top jarǵan aqyn 1 mıllıon teńgeniń aqshalaı sertıfıkatyna ıe boldy.
Birinshi júlde men 500 myń teńge aqshalaı syılyq Shyǵys Qazaqstan oblysynyń shaıyry Juldyzaı Maratbekke buıyrdy. Sátbaev qalasynyń aqyny Abzal Maqash jerlesterin jerge qaraptaı, ekinshi júlde men 300 teńge syıaqy ıegeri atandy. Al júldeli 3-oryndy pavlodarlyq Nurqanat Qaırat pen Jańaarqa aýdanynyń aqyny Syrym Beısenbek ózara bólisip, árqaısysy 150 teńge aqshalaı syılyqty ıelendi.