2019 jylǵy on aıdyń qorytyndysy boıynsha Qostanaı oblysynda 24 561 adam 2017-2021 jyldarǵa arnalǵan «Eńbek» memlekettik baǵdarlamasynyń qatysýshysy boldy. 16 305 adam jumysqa ornalastyrylsa, onyń 13 287-si nemese 81,5% turaqty jumys ornymen qamtyldy. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
Qostanaı oblysynda eńbek naryǵynda suranysqa ıe kásipter boıynsha kásibı daǵdylardy qalyptastyrý maqsatynda azamattardyń jekelegen sanattary úshin qysqa merzimdi kýrstar ótkizýdi kózdeıtin «Eńbek» memlekettik baǵdarlamasynyń birinshi baǵyty aıasynda 2 062 adam qamtylǵan. Qysqa merzimdi kásiptik oqýdy aıaqtaǵannan keıin jumyspen qamtý ortalyqtary memlekettik baǵdarlamaǵa qatysýshylarǵa jumysqa ornalasýda kómek kórsetedi.
Memlekettik baǵdarlamanyń ekinshi baǵytynyń negizgi mindeti azamattardyń kásipkerlik bastamalaryn damytý bolyp tabylady. Onyń sheńberinde bastapqy bıznesti iske asyratyn jáne iske asyrýdy josparlaıtyn, sondaı-aq buryn basqa memlekettik baǵdarlamalar sheńberinde qarjylaı qoldaý almaǵan úmitkerlerge óteýsiz jáne qaıtarymsyz negizde 100 jáne 200 AEK mólsherinde memlekettik granttar beriledi. Budan basqa, aýylda jáne qalalarda kásipkerlik áleýeti bar, isin jańadan bastaǵan kásipkerlerge, aýyl sharýashylyǵy kooperatıvterine jáne zeınetkerlik jasyna jetpegen olardyń múshelerine, sharýa jáne fermer qojalyqtaryna mıkrokredıtter beriledi.
Qostanaı oblysynda mıkrokredıtpen 727 adam qamtyldy. 100 AEK-ke deıingi memlekettik granttardy Memlekettik baǵdarlamanyń 94 qatysýshysy, 200 AEK-ke deıin – 502 adam aldy (jastar, tabysy az jáne kópbalaly otbasylardyń músheleri, múgedektigi bar adamdar).
Memlekettik baǵdarlamanyń úshinshi baǵyty azamattardyń jekelegen sanattaryn jumyspen qamtý úshin memleket sýbsıdııalaıtyn jumys oryndaryn qurýdy qarastyrady. Ony júzege asyrý aıasynda Qostanaı oblysynda 5 217 adam jumysqa ornalastyryldy, onyń ishinde 1 066-sy áleýmettik jumys oryndaryna, 870-i jastar praktıkasyna jáne 3 281 adam qoǵamdyq jumystarǵa jiberildi.
Sondaı-aq eńbek resýrstarynyń utqyrlyǵyn arttyrý sheńberinde jumys kúshi mol óńirlerden Qostanaı oblysyna 1 200 adam (259 otbasy) qonys aýdardy. Qonys aýdarýshylar ishinen 581 adam eńbekke qabiletti jasta, onyń ishinde 547 adam jumysqa ornalastyryldy, 21 adam kásipkerlik qyzmetpen aınalysady jáne 24 adam jańa turǵylyqty jerinde oqýmen qamtyldy.