Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
«Qazaqstan Respýblıkasy Prezıdentiniń tapsyrmasyna sáıkes engizilgen «ashyq aspan» rejımi aıasynda Indýstrııa jáne ınfraqurylymdyq damý mınıstrligi elimizdiń shetelderdegi elshilikterimen birlesip jańa halyqaralyq baǵyttar ashý jáne jańa sheteldik áýe kompanııalaryn tartý boıynsha belsendi jumys júrgizip jatyr. Osy maqsatpen 2019 jylǵy 2 jeltoqsanda qazaqstandyq delegasııa Iordanııanyń avıasııalyq bılik ókilderimen kelissózder júrgizdi.
Nátıjesinde Iordanııanyń áýe kompanııalaryna Qazaqstannyń 11 áýejaıyna, atap aıtqanda Nur-Sultan, Almaty, Shymkent, Aqtaý, Qaraǵandy, О́skemen, Pavlodar, Kókshetaý, Taraz, Petropavl, Semeı qalalaryna turaqty ushýlar oryndaýǵa múmkindik beriletin boldy. Iаǵnı, reısterdiń sanyna shekteýlerdi alyp tastaýdy qarastyratyn 5-shi «áýe erkindigin» paıdalana alady. Soǵan oraı qazir elimizdiń Iordanııadaǵy elshiligimen birlesip, Qazaqstannan Amman jáne Akaba qalalaryna tikeleı reıster ashý múmkindigi qarastyrylyp jatyr», delingen habarlamada.