Qaramaǵyndaǵylar úshin basshylar jaýap beredi

Ol Prezıdent janyndaǵy Ortalyq kommýnıkasııa­lar qyz­­metinde ótken brıfıng­te «Memle­kettik qyzmet jáne sy­baılas jemqorlyqqa qar­sy is-qımyl máseleleri jónin­degi Qazaqstan Res­pýblı­kasy­­nyń keıbir zań­namalyq akti­lerine óz­ge­rister men tolyq­tyrý­lar engizý týraly» Zańǵa sáıkes bas­­shy­lardyń qol astyn­da­ǵy qyz­met­kerleri úshin jaýapkershiligi zańnamalyq deńgeıde bekitilgenin jetkizdi.

Al bul jańalyq Prezıdent Qasym-Jomart Toqaevtyń tikeleı tapsyrmasymen zańǵa engizildi.  О́ıtkeni 2019 jyldyń 20 mamyrynda sybaılas jem­qorlyqqa qarsy is-qımyl máse­leleri bo­ıynsha memlekettik organdar bas­shylarynyń qaty­sýymen ótken kezdesýde Qasym-Jomart Toqaev baǵynyshty qyz­met­kerlerdiń sybaılas jem­qor­lyqqa jol bergeni úshin mem­lekettik organdardyń birin­shi basshylarynyń ornynan túsý ınstıtýtyn engizýdiń mańyz­dylyǵyn atap ótken edi. Soǵan saı saıası memlekettik basshylyq laýazymdaǵy qyzmetshilerdiń tikeleı baǵynyshty qyzmetker­leri sybaılas jemqorlyq quqyq buzýshylyq jasasa, min­detti túr­de jumystan bosatý úshin óti­nish jazady. Iаǵnı, atap aıtqan­da – mınıstrler men olar­dyń orynbasar­lary, Nur-Sultan, Almaty, Shymkent qala­lary men oblys ákimderi men olardyń orynbasarlary, aýdan ákimderi, olardyń tikeleı baǵynyshty qyzmetkerleri sy­baı­las jemqorlyq quqyq buzý­shy­lyq jasasa, mindetti túrde otstavkaǵa shyǵýǵa suranýy kerek.

«Zańnyń jańa redaksııasyna sáıkes, birinshi basshy onyń tikeleı baǵynyshty tulǵasyna qatysty sottyń aıyptaý úkimi kúshine engennen soń kúntizbelik 10 kún ishinde nemese aqtalmaıtyn negizder boıynsha qylmystyq is toqtatylǵannan keıin otstavka­ǵa ketýge mindetti», dedi Sybaı­las jemqorlyqqa qarsy is-qı­­myl agenttigi tóraǵasynyń birinshi ory­n­­basary. Ol sondaı-aq, qandaı tulǵalar tikeleı baǵynyshtylar retinde qarastyrylatynyn túsin­dirdi. Máselen,  ortalyq mem­lekettik organnyń basshysy (mınıstr) úshin – bul onyń orynbasarlary, jaýapty hatshy nemese apparat basshysy, aımaqtyq bólimshelerdiń basshylary, al oblys, respýblıkalyq mańyzy bar qalalar, astana ákimi úshin – onyń orynbasarlary, apparat basshysy, aýdannyń (oblystyq mańyzy bar qalanyń) ákimi jáne ortalyq memlekettik organ basshysynyń orynbasary (vıse-mınıstr) onyń qaramaǵyndaǵy bólimshe nemese táýelsiz qurylymdyq bólimshe basshysy sybaılas jemqorlyq qylmys jasaǵan kezde qyzmeti­nen ketedi. Oblys ákiminiń orynbasary jergilikti bıýdjetten qar­jy­lan­dyrylatyn atqarýshy organ­dardyń basshylaryna jaýap beredi. Aýdan ákimi óziniń orynbasar­laryna, apparat basshysyna, jetek­shilik etetin aýdandyq atqarý­shy organdardyń basshylaryna, aýyl, kent, aýyldyq okrýg­ter­diń ákimderine jaýap beredi.

Jalpy bir eskerer jaıt, «Mem­lekettik qyzmet týraly» Zańǵa sáıkes, memlekettik qyz­metshini osy laýazymǵa taǵa­ıyndaǵan laýazymdy tulǵaǵa ornynan ketý týraly ótinish jiberiledi. Otstav­kany qabyldaý nemese qabylda­maý – bul saıa­sı qyzmetkerdi qyz­met­ke taǵa­ıyndaǵan basshynyń quzyreti. Eger saıası emes, biraq A jáne B korpýsynyń ákimshilik memleket­tik qyzmetshileri bolyp ta­byla­tyn barlyq basqa basshy­lary­na tikeleı baǵynyshty qyz­met­kerler sybaılas jem­qor­lyq qu­qyq buzýshylyq jasaǵan jaǵ­daı­da aldyńǵylarǵa tártiptik jaýap­­kershilik qaras­tyrylǵan.

Sonymen qatar Memleket bas­shysy qol qoıǵan zańda bas­shylarǵa baǵynyshty qyzmet­kerlerdiń sybaılas jemqorlyq quqyq buzýshylyq jasaýynyń aldyn alý mindeti engizilgen. Bul mindettiń oryndalýy nemese tıisinshe oryndalmaýy basshyny tártiptik jaýapkershilikke tartýǵa ákelip soǵady.

Normatıvtik quqyqtyq akti­lerdiń jobalaryna sybaılas jem­qorlyqqa qarsy saraptamany engizý de jańalyq bolyp otyr.