Parlamentaralyq baılanystar barysy

Memlekettik Dýma men Májilis arasyndaǵy yntymaqtastyq týraly palataaralyq parlamenttik komıssııanyń segizinshi otyrysy ótti 25 naýryzda Astanada Reseı Federasııasy Federaldyq Jı­nalysy Memlekettik Dýmasy men Qazaqstan Respýblıkasy Parla­mentiniń Májilisi arasyndaǵy yntymaqtastyq týraly palata­ara­lyq parlamenttik komıssııanyń segizinshi otyrysy óz jumysyn bastady. Otyrysty ashqan Memlekettik Dýma men Májilis arasyndaǵy yn­tymaqtastyq týraly palataaralyq parlamenttik komıssııanyń teń tóraıymy, Májilis depýtaty Ba­ǵıla Baımaǵambetova buǵan deıin atalǵan komıssııanyń segiz jıyny ótkenin, onyń tórt otyrysy Re­seıde, úsheýi Qazaqstanda bol­ǵa­nyn, osy joly tórtinshi ret qazaq elinde ótip otyrǵanyn jetkizdi. “Búgin parlamentaralyq ynty­maqtastyqtyń mańyzdy máselele­rin talqylaý maqsaty kózdelip otyr. Biz úshin bul kezdesý óte ma­ńyzdy. О́ıtkeni, bizdiń aldymyzda eki eldiń Memleket basshylary Býrabaıda qabyldaǵan Qazaqstan men Reseı arasyndaǵy 2009-2010 jyldardy qamtıtyn birlesken is-sharalar josparyna sáıkes bir­qa­tar zańdar qabyldaý mindeti tur. Taıaý keleshekte eki jaqty ynty­maq­tastyq salasynda 40-tan astam máseleler sheshimin tabýy tıis. Sonyń ishinde saýda-ekonomıkalyq baı­lanysty damytý jaǵyn jeke dara aıtar edim. Eki jaqty saýda aı­nalymy Qazaqstan Respýblıka­sy­nyń syrtqy saýda kóleminiń 17 paıyzdan astamyn quraıdy”, — dedi Baǵıla Baımaǵambetova. Otyrysta Májilis depýtattary Qylyshbaı Bısenov, Vladımır Nehoroshev, Valerıı Doskalov, Qaırat Sádýaqasov, Elena Tarasenko sóz sóılep, eki el arasyndaǵy saıası-ekonomıkalyq áriptestik baılanysty damytý týraly, transshekaralyq ózenderdi birigip paıdalanýda ekologııalyq jaǵdaıdy saqtaýǵa basa kóńil bólinýi qajet ekeni jaıly jáne basqa máselelerdi qozǵady. Osy kúni komıssııa jumysy Eńbek jáne áleýmettik qorǵaý mınıstrliginde jalǵasyp, Uly Otan soǵysyndaǵy Jeńistiń 65 jyldyǵyna  qatysty jáne basqa da birqatar áleýmettik mańyzy zor máselelerdi talqylady. “Egemen-aqparat”.