Qaraǵandyda «ArselorMıttal Temirtaý» AQ kómir departamentine qarasty I.Kostenko atyndaǵy shahta jer astynda 6 200 qýma metrdi uńǵylap, jyldyq jospardy merziminen bir aı buryn oryndap shyqty.
Tolaıym tabysqa arnalǵan saltanatta shahta ujymyn kómir departamentiniń dırektory Andreı Chernomaz quttyqtap, kenshilerge jankeshti eńbekteri úshin alǵys aıtty.
– Sońǵy úsh jyl ishinde túrli sebepterge baılanysty uńǵylaý boıynsha jospardyń oryndalýyn biz birinshi ret atap ótip otyrmyz. Biz ony jaı ǵana oryndap qoımaı, jeltoqsan aıynyń basynda merziminen buryn iske asyrdyq. Úńgýshilerdiń jumysy árkezde qıyn bolǵan, oǵan kóptegen faktorlar áser etedi. Biraq qazir bizdegi jańa tehnıka men jabdyqtardyń arqasynda olardyń eńbegi ájeptáýir jeńildedi. Sonyń nátıjesin biz qazir kórip otyrmyz, – deıdi atalǵan shahtanyń bas ınjeneri Nıkolaı Groznov.
I.Kostenko atyndaǵy shahtada 205 úńgýshi jumys isteıdi. Bıyl Oleg Proskýrın basqaratyn brıgada eki birdeı lava daıyndady. Aldaǵy ýaqytta josparǵa sáıkes K1-K3 qabaty boıynsha taǵy eki lava iske qosylmaqshy.
Qaraǵandy oblysy