Elorda ákimi Altaı Kólginov Fransııa kásiporyndary qozǵalysynyń ókilderimen kezdesti (MEDEF). Bul týraly qala ákimdiginiń baspasóz qyzmeti habarlady.
Taraptar densaýlyq saqtaý, avtomobıl jasaý, aeroǵarysh ónerkásibi, qurylys, ınvestısııa tartý, turǵyn úı-kommýnaldyq ınfraqurylym jáne ózge de salalardaǵy ózara yntymaqtastyqtyń basym baǵyttaryn talqylady.
Fransýz Respýblıkasynyń Qazaqstandaǵy Tótenshe jáne О́kiletti Elshisi Fılıpp Martıne jáne Fransııa-Qazaqstan Iskerlik keńesiniń tóraǵasy Iv-Lýı Darrıkarer nátıjeli yntymaqtastyqqa daıyn ekendikterin atap ótti.
Kezdesý barysynda Alstom kompanııasynyń Taıaý Shyǵys elderi boıynsha vıse-prezıdenti Dıde Flejer, Vicat óńirlik dırektory Petro Kala, Renault vıse-prezıdenti Nıkolıa Mor, Air Liquide vıse-prezıdenti Fılıpp Krıstodolý jáne MEDEF delegasııasynyń basqa da ókilderi sóz sóıledi.
Elorda ákimi Altaı Kólginov elordada Astana halyqaralyq qarjy ortalyǵynyń bar ekendigin aıtty. AHQO bazasynda ekspat-ortalyq jumys jumys isteıdi. Ekspat-ortalyqta sheteldikter aǵylshyn tilinde memlekettik qyzmetterdi ala alady.