Qazaqstandyq balalar Ispanııanyń ataqty «Real Madrıd» fýtbol klýbynyń oıynshylarymen kezdesip, «Santıago Bernabeý» stadıonyn tamashalaýǵa múmkindik aldy.
Qyrkúıek aıynda Almatyda «Baýyrjan» qaıyrymdylyq qory balalar úıiniń tárbıelenýshileri arasynda fýtboldan dástúrli «Armanyńa jaqynda» atty týrnır uıymdastyrdy. Elimizdiń ár aımaǵynan 12 komanda qatysqan dop dodasynda Taraz qalasynyń jetim balalar úıiniń jetkinshekteri top jaryp, Ispanııanyń bas shahary – Madrıd qalasyna saıahattaýǵa joldama utyp alǵan bolatyn. Jýyrda komandadaǵy segiz kishkentaı fýtbolshy ataqty «Real» klýbynyń fýtbolshylarymen kezdesip, «Santıago Bernabeý» stadıonyn aralaýǵa múmkindik aldy. Sondaı-aq olar Ispanııa patshasynyń saraıyna jáne Madrıdtegi oıyn-saýyq saıabaǵynda kóńildi ýaqyt ótkizdi.
Sonymen qatar tarazdyq sportshylar klýbtyń barlyq marapattary jınaǵyn «Real Madrıd» komandasynyń murajaıyna bardy. Altyn býtsa, áıgili kýboktar men trofeıler, tarıhta qalǵan fýtbolshylar kıimderi – balalar úıiniń tárbıelenýshileriniń kórgen eksponattardyń kishkentaı ǵana bóligi boldy. Balalardyń endigi maqsaty – áıgili stadıonynda juldyzdy match oınap, bolashaqta kásibı fýtbolshy ataný.
Búgingi tańda Qazaqstanda 40-tan astam balalar úıi jáne jetim balalar men ata-anasynyń qamqorlyǵynsyz qalǵan balalardy qoldaý ortalyǵy jumys isteıdi. Osyndaı balalar úıiniń árqaısysynda qoldaýǵa muqtaj kóptegen talanty, daryndy jetim balalardy kezdestirýge bolady. О́z kezeginde «Baýyrjan» qaıyrymdylyq qory, balalar úıiniń tárbıelenýshileri arasynda sportty qoldaý men damytýǵa basty nazar aýdarady.
Buǵan deıin jeńimpaz atanǵan 64 tárbıelenýshi «Barselona», «Mılan», «Bavarııa» «Atletıko Madrıd», «Chelsı», «PSJ» klýbtaryna baryp, Messı, Robben, Torres, Neımar sııaqty fýtbol áleminiń juldyzdarymen kezdesken.