Qyzylordadaǵy Dostyq úıinde nemis etnosynyń mádenı kúni ótti. Oblystyq Qazaqstan halqy assambleıasy uıymdastyrǵan sharaǵa túrli etnomádenı birlestik ókilderi, joǵary jáne orta arnaýly oqý oryndarynyń stýdentteri qatysty.
Sharada qonaqtar etnos ókilderi ázirlegen qolóner kórmesin tamashalady. Oblystyq Qazaqstan halqy assambleıasy hatshylyǵynyń meńgerýshisi L.Tóreshova birlestiktiń birqatar belsendisin marapattap, óńirdegi qoǵamdyq kelisimdi nyǵaıtý baǵytyndaǵy bastamalardy bir saralap ótti.
- Ár ulttyń mádenı kúnderi san ultqa saıa bolǵan Syr óńirindegi etnostar tarıhyn, olardyń mádenıetin tanyp-bilýge degen qyzyǵýshylyqty arttyra túsedi. Dostyq úıindegi bul sharaǵa da kelýshiler qatary kóp. Ortalyqtyń basshysy Irına Shekke, birlestik ókilderine qoǵamdaǵy birlik pen kelisimdi nyǵaıtýǵa qosqan úlesi úshin alǵys bildiremin, - dedi.
Nemis etnomádenı birlestiginiń jetekshisi Irına Shek Tereńózek kentinen kelgen «Dostyq» ansambli músheleriniń, Aleksandra Koksharova men Konstantın Lýsa sekildi ónerpazdardyń ónerine alǵys aıtyp, olarǵa kóp aldynda qurmet kórsetti.
Mádenı kúnde ártúrli janrlarda án, bı, óleńder oryndaldy. «Dostyq» ansambli men «Adajıo» bı ujymy ónerin kelýshiler joǵary baǵalady.
Qyzylorda oblysy