Dımash Qudaıbergen Reseıdiń «Vıktorııa» mýzykalyq syılyǵyn tapsyrý saltanatynda qyzyl kilemmen júrip ótti. Bul týraly dimashnews.com jazdy.
Úlken sahnada júrgizýshi Lıpanyń suraqtaryna jan-jaqty jaýap bergen Dımash ózi úshin kórermenderdiń súıispenshiligi mańyzdy ekenin aıtty.
«Men árqashan óz tyńdarmandaryma joǵary deńgeıde óner kórsetýge tyrysamyn. Eger men qandaı da bir jeńiske jetip, marapatqa ıe bolsam, ol meniń kórermenderimniń eńbegi dep bilemin» dedi ánshi.
Dımash sonymen qatar ońashada qandaı ánderdi tyńdaıtynyn aıtyp berdi.
«Men qazaqtyń halyq ánderin tyńdaımyn» dedi ol.
Eske salaıyq, Dımash Reseıdiń «Vıktorııa» mýzykalyq syılyǵyna birneshe nomınasııa boıynsha úmitker retinde qatysqan bolatyn. Jeńimpazdar búgin, 5 jeltoqsan kúni Máskeýdegi Kreml saraıynda ótken saltanatty rásimde jarııalanatyn bolady.
Aıta keteıik, «Vıktorııa» syılyǵy jyl sońynda eń úzdik mýzykanttarǵa, aqyndarǵa, oryndaýshylarǵa, prodıýserlerge, jýrnalısterge, mýzyka synshylaryna jáne iri medıaholdıngterdiń jetekshilerine beriledi.
15 sanat boıynsha jeńimpazdardyń esimderi Memlekettik Kreml saraıynda ótken saltanatty rásimde jarııalanady.