Ábdimanap Jasulan Lesbekuly Jambyl oblysy ákiminiń keńesshisi bolyp taǵaıyndaldy. Bul týraly Jambyl oblysy ákimdiginiń baspasóz qyzmeti habarlady.
J.Ábdimanap (Ábdihalyq) 1980 jyly Jambyl oblysy T.Rysqulov aýdany, Á.Jylqyshıev aýylynda ómirge kelgen. Ol joǵary oqý ornyn «Qazaq tili ádebıeti» jáne «zańger» mamandyqtary boıynsha támamdaǵan.
Jasulan Lesbekuly óz eńbek jolyn 2003 jyly «Qazaqstan» Teleradıokorporasııasy AQ Jambyl oblystyq fılıaly «Qazaqstan-Taraz» telearnasynda qarapaıym tilshi bolyp bastaǵan. Odan keıin ár jyldary dıktor, aǵa redaktor, bas redaktor, dırektordyń orynbasary qyzmetterin atqarǵan. «Qazaqstan» Teleradıokorporasııasy AQ aqparattyq saraptamalyq baǵdarlamalar dıreksııasynyń Jambyl oblysy boıynsha menshikti tilshisi, «Habar» agenttigi AQ aqparattyq saraptamalyq jańalyqtar dıreksııasynyń Almaty fılıaly boıynsha menshikti tilshisi, «Habar» agenttigi, «24 kz» telearnalarynyń aqparattyq-saraptamalyq jańalyqtar dıreksııasynyń Aqmola oblysy boıynsha tilshiler qosynynyń jetekshisi, «Habar agenttigi AQ aqparattyq saraptamalyq jańalyqtar dıreksııasynyń prodıýseri qyzmetterin atqarǵan.
Sondaı-aq Ońtústik Qazaqstan oblysy ákiminiń, «Nur Otan» partııasy ortalyq apparatynyń baspasóz hatshysy - baspasóz qyzmetiniń jetekshisi jáne Aýyl sharýashylyǵy mınıstrliginiń Qoǵammen baılanys basqarmasynyń basshysy - baspasóz hatshysy qyzmetterinde jemisti eńbek etken.
Keıingi jyldary Jasulan Ábdimanap «Qazaqtan Teleradıokorporasııasy AQ Jambyl oblystyq fılıaly «JAMBYL» teleradıoarnasynyń dırektory boldy.
Aıta keteıik, oblys ákiminiń jańa keńesshisi óńirdiń ıdeologııa jáne aqparat salasyna jaýap beretin bolady.