Aıaqtalyp kele jatqan – 2019 jyl jastar úshin erekshe jyl boldy. Elbasymyz N.Á. Nazarbaevtyń ótken jylǵy Joldaýynda bıylǵy jyldy – Jastar jyly dep jarııalaǵany belgili. Bul bastama shama-sharqynsha mádenıettiń ár salasynda júrgen talanttarǵa shyǵarmashylyq shabyt syılap, ónerge qulshyndyrdy.
Rýhanı salada memleket tarapynan kórsetilip jatqan qoldaý Almatydaǵy T.Júrgenov atyndaǵy Qazaq Ulttyq О́ner akademııasynyń «Keskindeme, músin jáne dızaın» fakýltetiniń jas sýretshilerine ómirde de, ónerde de durys sheshimder qabyldaýy úshin kómegin tıgizeri sózsiz.
Qazaq sýretshileriniń týyndylary búginde ózine asa nazar aýdartyp qoımaı, úlken qyzyǵýshylyq týdyratyny kezdeısoq emes. О́nerge endi qadam basyp jatqan talapkerlerden jańa lep, jańa qadambaıqalady.
Almatyda sanaýly kúnderden keıin tusaýyn kesetin «AǴYM» atty jas sýretshilerkórmesinde qazirgi ónerdiń kelbeti, mazmundyq beınelik-yrǵaqtyq ustanymdarynyń ózindik birligi saltanat quratyn bolady. Búgingi býynnyń basty sıpaty – olardyń beıneleýindegi sheberlikke, rýhanı mazmundylyqqa degen umtylys bar.
Kórmege qoıylatyn týyndylardan ýaqyt sıpatyn, jas sýretshilerdiń kóńil efırin, bilim alý úderisindegi kásipqoılyq talaptaryn da kóre alamyz.
– Jas sýretshilerdiń jumysyna qatysty suraqtarǵa jaýap bermeı turyp, bylaı qaraǵanda bastapqyda paradoksaldy bolyp kórinetin eskertý jasap kóreıik: bizdiń zertteýlerimiz qandaı da bir «jastar óneri» jaıly emes, qazaq sýretshileriniń jańa býynynyń óneri – búginnen bastalatyn bolashaq ulttyq jańa týyndylar jaıynda áńgime qozǵalǵany durys. Bizdiń eskertýimiz óner týyndysynyń aqıqattylyǵy men sapasy, ony jasaýshynyń jasymen baılanysty emes ekendigin tolyq senimdilikpen aıta alatyndyǵymyzda. Shyn máninde, sýretshiniń keıde joǵarǵy shegi men quldyraýyn qosqanda, onyń búkil ǵumyryn shyǵarmashylyq ómiri qamtıdy. Al jasyna qarap, ónerdi baǵalaý, aksıologııalyq tásilimen alǵanda asa dereksiz bolyp kórinedi. Jas mólsherimen qatań baılanysty óner bolmaıdy, – deıdi professor, fılosofııa ǵylymynyń kandıdaty Janarbek Beristen.
Sondyqtan «bir sapta» ár túrli stýdent sýretshiler bar. Buǵan kóz jetkizý úshin О́rken Aıat, Álıhan Jahansha,Jansaıa Kıikbaı, Mahabbat Saǵyndyq, Mıras Ordabaı sııaqty keskindemeshiler men qatar О́mir Gúlkenje, Álııa Tileýhan qyzy, Madına Kadirbaı, Baqyt Ábdirazaq sııaqty sándik óner sheberleriniń eńbekterine júginýge bolady. Eń bastysy, «AǴYM» kórmesine bárinen buryn, ónerge degen rııasyz ózindik kózqarastar tán ekenin aıta ketken jón.
ALMATY