Almatyda brazılııalyq djıý-djıtsý men grepplıngten «ArlanGrip Championship2019» dep atalatynhalyqaralyq týrnır aıasynda ótken eresekter men ardagerler arasyndaǵy básekeler óz máresine jetti.
Aıtýly dodada alty memleketten kelgen 320 sportshy baq synap, 50 altyn, 48 kúmis jáne 45 qola medaldi sarapqa saldy. Jarystyń eki túri boıynsha da Qazaqstan quramasy asqan sheberlik tanytyp, «Almaty Arena» sport keshenine jınalǵan jankúıerlerdi qýanyshqa bóledi.
Jerlesterimizdiń arasynan Jasulan Aıtqazy, Turlan Aqtanov, Áshimjan Muhıddınov, Baıan Muratbekov, Arman Dáýletkárimov, Jandos Qarajanov, Azat Qataýbaev, Núrken Shynybaev, Baýyrjan Arystanbekov, Iýrıı Shestopalov, Bolatbek Baıbosynov, Ámir Malǵajdar, Aıbar Orazaly, Vıacheslav Býnıskıı, Karen Pashıkıan, Ermek Badan, Erbol Nuqyshev, jáne taǵy basqa sportshylar qarsylas shydatpaı, bas júldelerdi oljalady. Áıelder arasynda Álfııa Rysjanova, Iýlııa Kereıbaeva, Gúlmıra Muqanova, Botagóz Eldosqyzy, Daıana Amanjolova, Dıana Shápenova syndy sulýlardyń ónerine tamsandyq.
«Rýhanı jańǵyrý» baǵdarlamasy aıasynda Almaty qalasy ákimdiginiń qoldaýymen ótken baıraqty básekede otandyq sportshylarymyz 39 altyn, 38 kúmis jáne 34 qola medaldi ıelenip, jalpy komandalyq esepte kósh bastady.
Jarystyń deńgeıi asa joǵary boldy. Barlyq komandalar Almatyǵa «bes qarýlaryn asynyp» kelgen eken. Ásirese, Reseı, Qyrǵyzstan jáne О́zbekstan quramalarynyń qarqyny kúshti boldy. Desek te aıtýly doda óz elimizde, óz jerimizde, óz jankúıerlerimizdiń kóz alynda ótip jatqandyqtan bizdiń sportshylar namys týyn bıik ustap, kózdegen maqsattaryna qol jetkizdi, - deıdi Qazaqstan Respýblıkasynyń brazılııalyq djıý-djıtsý jáne grepplıng federasııasynyń vıse-prezıdenti Aqmaral Qanatbaeva.