Memleket basshysy Q. Toqaev Aýyl sharýashylyǵy Mınıstrligi ázirlegen «Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» Zańǵa aǵymdaǵy jyldyń 28 qarashasynda qol qoıdy. Jańa zańǵa sáıkes nesıelik seriktestikter músheleriniń jalpy jınalysynda jańa múshelerdi qabyldaý (shyǵarý), sondaı-aq nesıelik seriktestiktiń Jarǵysyn ózgertý nemese jańa redaksııada bekitýge quqyq beredi.
Buryn jańa qatysýshyny qabyldaý nemese shyǵarý úshin nesıelik seriktestiktiń barlyq múshelerin jınaý qajet bolatyn. Bul aılar emes, jyldarǵa sozylyp ketetin is-shara bolatyn. Endi jańa zańǵa sáıkes osyndaı rásim nesıelik seriktestik Basqarmasynyń quramyna kiretin birneshe adamnyń qatysýymen qysqa merzimde júzege asady. Aýyl sharýashylyǵy mınıstrligi atalmysh ózgerister nesıelik seriktestikteriniń qyzmetin jaqsartý úshin jasalǵanyn atap ótti.