Memleket basshysynyń tapsyrmasy aıasynda Túrkııa avıakompanııalary 11 qazaqstandyq áýejaıda turaqty ushýlardy oryndaı alady. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
- Túrkııa tarapy Nur-Sultanǵa, Almatyǵa áýe qatynasyn keńeıtýdi quptaıdy jáne Aqtaý men Qostanaıǵa turaqty reısterdi ashýdy josparlap otyr. Sondaı - aq salynyp jatqan áýejaı paıdalanýǵa berilgennen keıin Stambýl-Túrkistan baǵyty boıynsha reısterdi ashýǵa alǵashqy sheteldik avıakompanııalardyń biri retinde múddeliligin rastady, - delingen habarlamada.
Kezdesý qorytyndysy boıynsha taraptar áýe qatynasy salasynda ózara tıimdi yntymaqtastyqty jalǵastyrýǵa sheshim qabyldady.