Jastar syılyǵy tapsyryldy

«Daryn» memlekettik jas­tar syı­lyǵy jemisti ǵylymı, shy­ǵar­­­mashylyq, sport­tyq je­tis­tikterine oraı daryndy ja­s­tar­dy mem­lekettik qoldaý maqsa­tyn­da 1992 jyldan beri ótkizilip keledi.

«Árbir ulttyń, memlekettiń bolashaǵy, úmiti – jastar. О́tken 28 jyl ishinde Qazaqstandaǵy jas­tarǵa qandaı jaqsylyq, jaǵ­daı jasalǵanyn kúndelikti ómir­den, baspasózden jaqsy bile­sizder. Elimizdiń Tuńǵysh Pre­zı­denti Nursultan Nazarbaev bıyl­ǵy jyldy «Jastar jyly» dep ataýy beker emes. Bıyl­­d­yń ózinde 2 mln-ǵa jýyq jas mem­lekettiń qoldaýyna ıe bolyp otyr. Jol kartasy boıyn­sha 500 mlrd teńge jastarǵa shákirt­­aqy, grant, jataqhana, nesıe berýge arnaldy. Memleket bas­­shysy Qasym-Jomart Toqaev osy Jas­tar jylyn jal­ǵas­tyrý úshin keler jyldy «Erik­ti­ler jyly» dep atady Premer-Mınıstrdiń oryn­basary Berdibek Sapar­baev quttyqtaý sózinde.

Talantty jastarǵa beriletin syılyq 10 nomınasııa boıynsha – ádebıet, ǵylym, beıneleý óneri, jýrnalıstıka, klassıkalyq mýzyka, qoǵamdyq qyzmet, sport, teatr jáne kıno, estradalyq óner, halyq shyǵarmashylyǵy sala­synda úzdik dep tanylǵan jas­tar­ǵa tap­syryldy. Osylaısha «Qoǵam­­dyq qyzmet» nomınasııa­sy bo­­ıynsha «Qazaqstan Res­pýb­lı­ka­sy­nyń etnosport asso­sıasııa­sy­nyń» bas hatshysy Nursultan Ib­ra­gımov, «Qazaq­stan stýdentter Alıansy» Res­pýb­­l­ıka­lyq stýdentter qozǵa­lysy» QB pre­zıdenti Ilııas Tús­tik­­baev jeńimpaz atandy. «Jýr­­nalıstıka» atalymy boıyn­sha marapatty birneshe derekti fılm­der­diń avtory Myr­zabek Túsipov, jýr­­nalıs­ter arasyndaǵy respýb­lı­kalyq baı­qaýlardyń júldegeri Aıbek Tas­qalıev ıelendi. Osy sala bo­ıyn­sha nomınanttardy ma­ra­pat­ta­ǵan D.Abaev óz sózin­de: «Bú­gin­gi mara­pat­ ıelerine aıtarym, siz­derge qarap el jas­tary boı túzeıdi. Sondyqtan bul syı­­lyqty tek qurmet retinde ǵana emes, ári úlken jaýapkershilik dep qa­­byl­­daýlaryńyzdy suraımyn», dedi.

«Ǵylym» nomınasııasy bo­ıynsha ǵalym fızıkter Nurlan Qanat jáne Erasyl Erlanuly ma­ra­­pat­taldy. «Teatr jáne kıno» atalymynyń úzdigi bolyp M.Áýezov atyndaǵy Memleket­tik akade­mııalyq drama teatry­nyń akteri Aıan О́tepber­gen, Q.Qýanysh­baev atyndaǵy qazaq mýzykalyq-drama teatry­­nyń akt­rısasy Altyngúl Erbol­qyzy tanyldy. «Sport» nomı­na­sııasy boıynsha Tórt qurlyq chem­pıonatynyń kúmis júldegeri, mánerlep syrǵa­naý­dan 2019 jyl­­ǵy Qysqy ýnıver­sıa­da­nyń kúmis júldegeri Elıza­bet Tur­synbaeva, Álem chem­pıo­na­ty­nyń eki dúrkin kúmis júl­degeri, Azııa chempıonatynyń eki dúr­kin kúmis júldegeri, Qazaq­stan quramasynyń kapıtany Qamshybek Qońqabaev marapattaldy. «Klassıkalyq mýzyka» boıynsha marapat túr­li mýzykalyq baıqaýlardyń laý­reat­tary, kompozıtorlar Danara Musahan men Ázimbek Jam­baev­qa tabystaldy. Sondaı-aq «Ha­lyq shyǵarmashylyǵy» ata­­ly­my boıynsha aıtysker aqyn Meıir­bek Sultanhan, Ǵ.Qur­man­ǵalıev atyndaǵy oblys­tyq fı­lar­monııanyń ártisi, dırıjer Ja­ras Satybaldıev marapat­tal­dy. «Ádebıet» nomına­sııasy bo­ıyn­sha syılyq óleńderi shet til­­derge aýdarylǵan Jadyra Baı­­bulanova men aqyn Bekzat Sma­­ǵulovqa berildi. Al «Dızaın jáne beıneleý óneri» ata­ly­my bo­ıynsha, «JÚZBAI DIZAIN» dı­­rektory, Qazaq sán qaýym­das­ty­ǵynyń prezıdenti Aı­jan Júzbaı, músinshi Músi­rep Sy­rym marapattaldy. «Est­ra­da» nomınasııasynyń marapa­ty «Slavıan bazary-2019» ha­lyq­aralyq festıvaliniń Gran-prı ıegeri Ádilhan Makın men «Qaza­q­konsert» memlekettik konserttik uıymynyń solısi Marat Áıtimbaıǵa tapsyryldy.