Joldaýdyń tıimdiligi arttyrylýy tıis

Jıynda bastapqy qorytyn­dylar men Joldaýdy iske asyrý má­seleleri qaraldy. Alǵashqy bolyp sóz alǵan Prezıdent Ákimshi­ligi Basshysynyń birinshi orynba­sary Darhan Káletaev saıası turaq­tylyq, ulttyq qaýipsizdik jáne el azamattary aldyndaǵy bı­lik­­tiń jaýapkershiligin arttyrý Mem­leket basshysy saıa­saty­nyń negizgi baǵyttary sanala­ty­nyn aıtty. «Prezıdent usynǵan «Halyq únine qulaq asatyn mem­leket» tu­jy­rymdamasy azamat­tar­dyń bar­lyq syndarly saýaldaryna jedel jáne tıimdi jaýap beretin bılik pen qoǵamnyń tu­raq­ty dıalogyn qurý negizinde jatyr», dedi ol.

Konferensııanyń plenarlyq otyrysynda Ulttyq ekonomıka mınıstri Rýslan Dálenov Mem­leket basshysynyń Jol­daýyn is­ke asyrý úshin 81 is-sharadan tu­ra­­tyn Jalpyulttyq jos­par qa­byl­danǵanyn málimdedi. Jos­par zaman talabyna saı tıim­di mem­leket, azamattardyń quqy­q­ta­ry men qaýipsizdigin qamtamasyz etý, qarqyndy damyǵan jáne ın­klıý­­zıv­ti ekonomıka, áleýmettik jań­ǵy­rý­dyń jańa kezeńi, qýatty óńir­ler sııaqty 5 negizgi baǵytty qamtyǵan.

Sonymen qatar mınıstr bıyl el ekonomıkasynda jaqsy jetis­tikter baryn jetkizdi. «Ekono­mıkanyń ósýi bar. IJО́ ósimi maý­sym aıynda 2,9%-dan 4,1%-ǵa deıin kóbeıdi, al 10 aıdyń qo­ry­tyndysy boıynsha ósim kór­setkishi 4,4%-dy qurady.

Ekonomıkalyq belsendiliktiń artýy kóbinese shıkizattyq emes sektor óndirisi kóleminiń ulǵaıýy­men baılanysty. Onyń IJО́ ósýin­degi úlesi 4,4 paıyzdan 3,8 pa­ıyzdyq tarmaqty qurady. Al eki tańbaly ósim jeńil óner­kásipte (+18,9%) jáne farmasevtıkada (+15,2%), sondaı-aq mashına jasaýda (+18,8%) baıqalady.

Jalpy, óndiristegi belsen­dilik eńbek naryǵynyń kór­set­­kish­terine oń áser etti. Osy jyl­dyń qazan aıynda jumyssyzdyq deńgeıi 4,8%-dy qurady. Halyq­tyń naqty tabysy ósýde. 2019 jyl­dyń 9 aı qorytyndysy bo­ıynsha ósim 6,4%-dy qurady. Al ınflıasııa kórsetkishi qarasha aıyn­da 5,4% bolyp otyr. Jalpy taýar aınalymy 70,4 mlrd teńgeni qurady. Bıylǵy qańtar-qyrkúıek aılarynda saýda teńgerimi 15 mlrd AQSh dollarynan asty. Eksport kólemi 42,7 mlrd AQSh dollaryn, al ımport 27,6 mlrd AQSh dollaryn qurady», dedi Ulttyq ekonomıka mınıstri.

Sondaı-aq konferensııa barysynda Rýslan Dálenov shaǵyn jáne orta bıznesti qoldaý bas­ty min­detterdiń biri ekenine toq­ta­lyp ótti. «Búgin elimizdiń bel­sen­­di halqynyń 30%-dan astamy shaǵyn jáne orta bızneste ju­mys isteıdi. Sońǵy 5 jylda ShOB sýbektileriniń sany 1,5 ese­ge kóbeıip, 1,3 mln-ǵa jetti.  Mık­ro jáne shaǵyn kásipkerlik sýbek­tileri úsh jylǵa tabys salyǵyn tóleý­den bosatylady. Osylaısha bıznes ıeleri 3 jyl ishinde 382 mlrd teń­ge únemdeıdi. Únemdelgen aq­sha kásipkerlerge aınalym qara­jatyn tolyqtyrýǵa jáne jalpy óz qyzmetterin jaqsartýǵa múm­kindik beredi», dedi mınıstr.

Tujyrymdamalyq máseleler týraly Bilim jáne ǵylym mınıstri Ashat Aımaǵambetov baıandady. Onyń aıtýynsha, Joldaýda bilim sapasyn arttyrýǵa erekshe kóńil bólingen. «Bilim deńgeıi joǵary kásibı kadrlar – eldiń zııat­kerlik áleýetiniń negizi», dep atap ótti mınıstr. Sonymen qatar «Pedagog mártebesi týraly» zań jobasy boıynsha belsendi jumys júrgizilip jatqanyn málimdedi.

Prezıdent janyndaǵy Qazaq­stan strategııalyq zertteýler ınstıtýtynyń dırektory Zarema Shaýkenova Joldaý qoǵamdyq sanada ıdeıalyq-qundylyq beıne qalyptastyrýǵa baǵyttalǵan baǵdarlamalyq qujat dep oılaıtynyn jetkizdi.

Al Parlament Májilisiniń de­pý­taty Amanjan Jamalov Pre­­zıdent Joldaýynda mańyzdy ále­ýmettik jáne ekonomıkalyq tap­syr­­malardyń berilgenin aıta kele, azamattardyń zeınetaqy jı­naǵyn bilim nemese páter alýǵa jumsaýyna baılanysty pikirin bildirdi.