Parlament depýtattarynyń el óńirlerindegi saılaýshylarmen, eńbek ujymdarymen, oqý oryndaryndaǵy oqytýshylar quramymen jáne stýdenttermen kezdesýleri jalǵasýda. Halyq qalaýlylarynyń eki aı demalystarynyń bir aıy osyndaı júzdesýlerge arnalatyny belgili. Túrli kezdesýlerde jurtshylyq ókilderine Elbasy N.Nazarbaevtyń «Qazaqstan-2050» Strategııasynyń negizgi basymdyqtary, Jalpyǵa Ortaq Eńbek Qoǵamyna qaraı 20 qadam ustanymdarynyń basty baǵyttary nasıhattalyp, túsindirilýde.
Tómende sondaı kezdesýlerdiń bir toby jaıyndaǵy esepter jarııalanyp otyr.
Parlament Senatynyń depýtattary Aleksandr Savchenko men Ertarǵyn Astaev Tarazda azamattardy qabyldaý ótkizdi.
Adamdardyń Parlament depýtattaryna qoıǵan saýaldary kóbinese áleýmettik máselelerge arnaldy. Qarastyrylǵan problemalar qatarynda gaz, elektr, sýmen qamtamasyz etý, tarıftik saıasat, turǵyn úı máseleleri boldy.
Kezdesýge Parlament Májilisiniń depýtaty Nadejda Nesterova jáne qalalyq ákimdik ókilderi qatysty.
* * *
Parlament Senatynyń depýtaty, Ekonomıkalyq damý jáne kásipkerlik komıtetiniń hatshysy Sársenbaı Eńsegenov Atyraý jáne Aqtaý kásipkerlerimen kezdesti.
Olardy jýyrda qabyldanǵan «Qazaqstan Respýblıkasynyń Ulttyq kásipkerler palatasy týraly» Zańnyń negizgi erejelerimen tanystyrdy. Kezdesýge О́ńirlik damý mınıstrligi, jergilikti atqarýshy jáne ókildi bılik, «Atameken» Odaǵy» Ulttyq ekonomıkalyq palatasy ókilderi qatysty.
Senator atap ótkendeı, jańa zań kásipkerlikti yntalandyrý jáne bıznes qaýymdastyǵy men memlekettik bılik organdarymen ózara tıimdi áriptestikti damytý úshin oraıly quqyqtyq, ekonomıkalyq jáne áleýmettik jaǵdaıdy qamtamasyz etý maqsatymen qabyldandy. Sondaı-aq, zań jeke kásipkerler birlestikteri qyzmetine qoldaý kórsetetin bolady.
* * *
Parlament Májilisiniń depýtaty, «Nur Otan» HDP» fraksııasynyń múshesi Qýanysh Sultanov Almaty oblysynyń shekaralyq aımaǵy – Panfılov aýdany saılaýshylarymen kezdesti.
Ol saılaýshylarǵa Qazaqstan Prezıdenti, partııa Tóraǵasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynan jáne «Nur Otan» HDP-nyń «Qazaqstan. 2017 maqsattary. Ulttyq is-qımyl jospary» tuǵyrnamasynan týyndaıtyn mindetterdi júzege asyrý barysyn túsindirip berdi.
Jarkent krahmal-sirne zaýyty jáne polıpropılen qap zaýytynyń ujymdarymen kezdesip, jergilikti turǵyndardyń turmys jaǵdaılarymen tanysty. «Beshırov» sharýa qojalyǵynda bolǵan kezinde sharýalarǵa Astananyń 15 jyldyq mereıtoıyndaǵy Elbasy sózine toqtalyp ótti.
* * *
Parlament Májilisiniń depýtaty, «Nur Otan» partııasynyń parlamenttik fraksııasy jetekshisiniń orynbasary Ergen Doshaev, Májilis depýtattary Tólegen Ibraev pen Nurtaı Sabılıanov Shyǵys Qazaqstan oblysy Ulan aýdanynyń Q.Qaısenov atyndaǵy kentinde saılaýshylarmen kezdesý ótkizdi.
Májilis depýtattary saılaýshylarǵa Elbasynyń «Qazaqstan-2050» Strategııasy, «Nur Otan» partııasynyń aǵymdaǵy jumysy jáne Parlamentte qabyldanǵan negizgi zańdar týraly aıtyp berdi. Sonymen birge, zeınetaqy júıesin reformalaýdyń qajettigi, jergilikti ózin ózi basqarýdaǵy tyń ózgerister, ákimderdiń saılaýy týraly áńgime qozǵady.
* * *
Parlament Májilisiniń depýtaty Almas Turtaev Qyzylorda oblysynyń aýdan ortalyqtary men úlkendi-kishili aýyldarynda halyqpen kezdesýler ótkizdi.
Saılaýshylarmen bolǵan kezdesýlerdiń basty taqyryby Memleket basshysynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýy boldy.
Depýtat Aral aýdanyndaǵy shalǵaı ornalasqan Qosaman jáne Aqespe aýyldyq eldi mekenderi halqynyń jaǵdaıymen tanysty. Halyqtyń ál-aýqatyn arttyrý Elbasy saıasatynyń negizgi baǵyty. Barlyq jumystar áleýmettik máselelerdi sheshýge baǵyttalǵan. Keshegi kúnimiz ben búgingi kúnimizdi salystyrýǵa kelmeıdi. Jaǵdaı jaqsy. Problemalar nazardan tys qalmaıdy, dedi A.Turtaev kezdesýler kezinde.
* * *
Parlamen