Jaqynda Almatyda kıizden buıymdar jasaıtyn qolónershileri klýby óz jumysyn bastaǵan bolatyn. Kıizden kıim jasaǵan zeınetker-qolónershiler ózderi jasaǵan buıymdaryn kópshiliktiń nazaryna usynyp, sán úlgisin kórsetti.
Jibek pen kıizden jasalǵan kıimder men buıymdardyń salmaǵy nebary 20-200 gramm. Sharanyń maqsaty – ejelgi ulttyq qolóner buıymdaryn kópshilikke keńinen nasıhattaý. Jún men kıizden jasalǵan zamanaýı jeıdeler, bas kıimder jáne syrt kıimderdiń túrli tústi nusqalary kelgen kórermenderdi tań qaldyrdy. Uıymdastyrýshylardyń aıtýynsha bul kórsetilimge zeınetkerler bir aı kóleminde daıyndalǵan, dep habarlady almaty.tv.
«Bul merekelik is-sharaǵa qazaqı jún men kıizden buıymdar jasaýdy unatatyndar jınaldy. Biz qazaqtyń qolónerin barynsha tanytqymyz keledi. Jáne de jurtshylyqqa onyń zamanýı úlgisin usynýdy maqset tuttyq. О́zderińiz kórgendeı, qandaı keremet buıymdar jasaldy. Barlyq kıimderdiń belgili bir avtory bar jáne olar tek bir ǵana danadan jasalǵan. Eń qyzyǵy buıymdar egde jastaǵy qarttardyń qolynan shyqqan», dedi Belsendi uzaq ómir súrý ortalyǵyndaǵy eńbek terapııasynyń nusqaýshysy Elena Darchenko.
Eń qyzyǵy, sán kórsetiliminde «model» bolǵandar – zeınetkerlerdiń ózi. Belsendi ómir súrý ortalyǵynyń bilim berý baǵdarlamasy aıasynda júzege asqan bul joba zeınet jasyndaǵy jandardyń ýaqytyn erekshe qyzyqty jaǵdaıda ótkizýge múmkindik beredi. Qazirgi tańda
«Almatynyń kıiz-qolónershileri» klýbynda elýden astam qart bar.