Taraz qalasynyń ákimi Aıtqazy Qarabalaev oblys ortalyǵyn sýmen qamtamasyz etip otyrǵan «Taraz sý» kásipornynyń jumysymen tanysty.
Ákim kezdesý barysynda óziniń orynbasary Qaısar Sarytaıǵa sýdyń tarıfin kóterýge, qaladaǵy egesiz sý qubyrlaryn qalanyń teńgerimine alýǵa jáne «Qumshaǵal» shaǵyn aýdanyndaǵy sý munarasynyń kúrdeli jóndeý jumystaryna bıýdjetten qarajat qarastyrýǵa tapsyrmalar berdi.Turǵyndarmen kezdesý barysynda tutynýshylardy sýmen qamtamasyz etý máselesi de sóz boldy.
Mekemeniń artyqshylyǵy da, kemshiligi de aıtyldy. Qazirgi kezde «Taraz sý» mekemesinde 687 jumysshy bar eken. Atalǵan kásiporyn 92 110 jeke tulǵa men 4534 zańdy tulǵaǵa qyzmet kórsetedi. Alaıda Taraz qalasynda búginde 350 myńnan astam turǵyn bolsa, onyń 80000-nan astamy áli taza aýyz sýmen qamtylmaǵan.
Alaıda, ákimmen kezdesý barysynda atalǵan mekeme «Taraz qalasynyń sýmen jabdyqtaý júıesin jańǵyrtý» jobasy aıasynda uńǵymalar men sorǵy stansııalaryn jańǵyrtý boıynsha aýqymdy jumystar júrgizgen. Sondaı-aq mekemege «GRUNDFOS» nemis kompanııasynyń jańa sorǵylary, zamanaýı shyǵyn ólshegishter ornatylyp, arnaıy tehnıka jáne jabdyqtar satyp alynǵan.