Rýhanı ráýishtegi tartý

 – Iá, Gúlámir Erdenqyzy ki­tap­­hana basshylyǵyna kir­gende oǵan tosyrqaı qa­raǵa­nymyz ras. Al ol kisi áńgime bastaǵanda, tip­ti ta­ńyr­qadyq. О́ıtkeni Gúlámir apamyz 500 myń teń­gege kitaphanaǵa kitap alyp beretinin aıtty. «Oqyrman úshin bú­ginde qandaı kitap­tar ózekti, qandaı ki­taptar kerek, sony aıtyńyzdar ári ony ózderińiz tabyńyzdar. Men qarjysyn tóleımin» degende abdyrap qaldyq, – deıdi kitap­hana dırektorynyń orynbasary Gúlmıra Shoqa­nova.

Kitaphana qyzmetkerleri aldymen oqyrmandar sura­nysyn muqııat zerttep, kitap ataýlary men avtor­lardyń tizimin jasa­dy. Olardyń qa­taryna qa­zaq áde­bıeti klas­­sıkte­riniń, qazirgi tany­mal jazýshy­lar­dyń shyǵar­ma­lary, aýdar­malar, psıhologııa sala­syn­daǵy suranysqa ıe sırek basylymdar kirdi. Olar Gúlámir Erdenqyzynyń qa­tysýymen kitap dúkeninen osy kitaptardy satyp aldy. Demeýshi osy joly ǵana 300 myń teń­geniń syrtynda qar­jy shyǵarypty.

Nur-Sultan qalasynda tu­ra­tyn Gúlámir Sántemirova ne­ge mundaı qadamǵa barǵanyn kitap­hana qyzmet­kerlerine sheshile aıtyp beripti. Bıyl ákesi Erden Jalmuhambetuly Sán­temirovtiń týǵanyna 100 jyl tolypty. Ol Qostanaı oblysyndaǵy Sary­kól aýda­nynyń týmasy eken. Qara­paıym jan týǵan jerde eń­bek etedi, balalaryn ósiredi. Gúl­ámir ákesiniń týǵa­nyna bir ǵasyr tolǵanyn qalaı da atap ótkisi keledi. Biraq at shap­tyryp, shashylyp as ber­mepti. Oılana kele ákesin eske alýdyń eń durys joly tý­ǵan jerde bir paıdaly ak­sııa jasaý dep sheshipti. Ákesiniń «kitap oqyńdar, bala­larym!» deıtin sózi esinen shyqpaıtyn.

Syıǵa tartylǵan kitaptar ki­tap­­hananyń abonementter bóli­mindegi arnaıy bir sóre­ge orna­lastyryl­dy.Oqyr­­­­mandar qy­zyqtap, kerek kitaptaryn alyp jatyr. Bú­gingi ur­paqty Erden ataı­­dyń arýaǵy jebegendeı, áke aldyndaǵy óziniń bir paryzy oryndalǵandaı Gúlámir Erden­qyzy da qaıy­rymdy isinen rýhanı baıy­ǵan­daı bolyp  ketti.

QOSTANAI