Qazirgi kezde qazaqstandyq qoǵamda dárigerlerdiń reıtıngin qalaı qalyptastyrý qajettigi jóninde ártúrli oı-pikirler bar. Qalaı degende de bul másele densaýlyq saqshylarynyń qyzmetine tıisti baǵa berý arqyly anyqtalatyny anyq. Osy oraıda Aqtóbede onyń búgingi zamanaýı tásili júzege asyrylyp, óńirdegi barlyq medısınalyq mekemelerge arnaıy maqsattaǵy QR kodtar ornatyldy. Osy arqyly turǵyndar kodty smartfonmen skanerlep, medısınalyq uıymnyń qyzmet kórsetý deńgeıi men sapasyn baǵalaı alady. Sonymen birge bul jóninde óz oı-pikirin jazyp nemese aýyzsha aıtyp qaldyrýyna da bolady.
Tyń baǵalaý tásili medısınalyq mekemeler úshin jańa sapa standarttaryn engizýge múmkindik týǵyzady. Sondaı-aq turǵyndardyń talap-tilekteri men suranystaryn jan-jaqty zerdeleýge de jol ashady. Eń bastysy, QR kodtar ornatý arqyly jaılylyq deńgeıin kóterip, joǵaryda aıtylǵandaı memlekettik medısınalyq mekemelerdiń qyzmet kórsetý sapasyn odan ári jetildirý kózdelgen. Bul jóninde «Mindetti áleýmettik medısınalyq saqtandyrý qory» oblystyq fılıalynyń dırektory Gúlmıra Qojanııazova aıtyp berdi.
Búginde qor mamandary QR kod arqyly medısınalyq mekemelerge qalaı baǵa berý kerektigi jóninde jan-jaqty túsindirý jumystaryn júrgizýde.
Aqtóbe