Jaqynda VTB Birikken basketbol lıgasynyń jerebe tartý rásimi ótip, bizdiń elimizden osy jarysqa qatysyp jatqan jalǵyz «Astana» komandasynyń jańa maýsymdaǵy qarsylastary anyqtaldy.
Onda jerebe boıynsha «Astana» komandasy VEF (Latvııa) «Hımkı» (Máskeý oblysy, Reseı) «Neptýnas» (Lıtva), «Smokı Mınsk» (Belarýs), «Azovmash» (Ýkraına), «Krasnye krylıa» (Samara, Reseı), SSKA (Máskeý, Reseı), «Trıýmf» (Máskeý oblysy, Reseı) klýbtarymen «V» tobyna tústi. Osy topta «Astana» taǵy bir komandamen oınaıdy. Ázirge ol komanda belgisiz bolyp otyr. Ol ujym Lıtvanyń «Jalgırıs» klýbynyń lıgaǵa qatysýdan bas tartýyna baılanysty «V» tobynda oınaıtyn bolady.
Jalpy, bıylǵy VTB lıgasynyń besinshi maýsymynda 9 eldiń 20 klýby qatysady. Eki topqa bólinetin komandalar bir-birimen syrt alańda jáne óz alańynda kezdesedi. Lıganyń oıyndary qazan aıynda bastalyp, kelesi jyldyń maýsymynda aıaqtalady. О́z tobynda úzdik eki oryn alǵan komandalar pleı-off kezeńiniń birden shırek fınalyna joldama alsa, 3-shi jáne 6-oryn alǵan ujymdar pleı-off kezeńin 1/8 fınaldan bastaıdy.