Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda «Ákimshilik quqyq buzýshylyq týraly Qazaqstan Respýblıkasynyń Kodeksine ózgertýler men tolyqtyrýlar engizý týraly» Qazaqstan Respýblıkasynyń zań jobasy birinshi oqylymda qaraldy. Bul týraly Parlament Senatynyń baspasóz qyzmeti habarlady.
Zań jobasy Memleket basshysynyń 2018 jylǵy 10 qańtardaǵy «Tórtinshi ónerkásiptik revolıýsııa jaǵdaıynda damýdyń jańa múmkindikteri» Qazaqstan halqyna Joldaýyn oryndaý maqsatynda ázirlendi.
Zań jobasyna engiziletin ózgertýler:
-azamattyq-quqyqtyq nemese tártiptik negizde retteletin qatynastardy qaraý múmkindigine baılanysty jekelegen ákimshilik quqyq buzýshylyqtardy alyp tastaýǵa;
-ákimshilik quqyq buzýshylyq aıyppuldarynyń kólemin azaıtýǵa;
-qazirgi ákimshilik sharalardy tómen jazalaýlarǵa almastyrýǵa;
-eskertý túrindegi ákimshilik jazalardy qoldanýdy keńeıtýge;
-sanksııalardy tek sot tártibinde beriletin ákimshilik quqyq buzýshylyqtardyń birqataryn sottyń vedomstvolyq baǵynyshtylyǵynan memlekettik organdarǵa berýge;
-sanksııalary qyzmettiń nemese onyń jeke túrlerine ruqsatty alyp tastaýdy, ýaqytsha toqtatýdy nemese toqtatýdy qarastyratyn ákimshilik quqyq buzýshylyq týraly ister boıynsha sot jáne sottan tys ınstansııalar arasyndaǵy ókilettikterdiń arajigin birtindep retteýge;
-jalpyǵa ortaq normatıvtik-quqyqtyq qaǵıdalardy buzǵany úshin jaýapkershilikti kózdeıtin ákimshilik quqyq buzýshylyqtardyń quramyn naqtylaýǵa;
-ákimshilik quqyq buzýshylyq týraly isterdi qaraýdy birtindep elektrondyq sıpatqa kóshirýge;
-Kodekstiń quqyq qoldaný tájirıbesinde anyqtalǵan quqyqtyq kemshilikter men qaıshylyqtardy joıýǵa baǵyttalǵan.
Ákimshilik quqyq buzýshylyq týraly QR Kodeksiniń turaqtylyǵyn qamtamasyz etý maqsatynda oǵan ózgerister men tolyqtyrýlardy engizýdiń erekshe tártibi retteledi.
Zań jobasy Palata qaraýyna berildi.