FlyArystan búginnen bastap Nur-Sultan-Jýkovskıı-Nur-Sultan baǵyty boıynsha bıletter satylymyn ashty. Astanalar arasyndaǵy ushýlar Airbus A320 ushaqtarymen júzege asyrylady.
Uzaqtyǵy 3 saǵattyq kúndelikti reıster N.Nazarbaev aılaǵynan Jýkovskıı halyqaralyq áýejaıyna oryndalady. 180 oryndy laınerler Nur-Sultannan saǵat 22:10-da ushyp, Máskeýge sol kúni 22.40-ta qonady. Keri qaraı reıs ýaqytynyń aralyǵy: saǵat — 23:25 jáne 05:35.
Máskeý – TMD elderi arasyndaǵy tarıhı, týrısttik ári iskerı mańyzy zor halyqaralyq ortalyq bolyp esepteledi. Jýkovskıı áýejaıy Reseı astanasynyń qarqyndy damyp kele jatqan áýeaılaǵy ekeni sózsiz. Byltyrdyń ózinde áýejaı qyzmetin 1 mıllıonnan asa adam qoldanyp, jolaýshylar sany 173% óskenin atap ketken jón. FlyArystan-nyń operasııalyq qyzmeti júzege asyrala bastalǵannan beri Qazaqstan qalalarynyń áýeaılaqtarynda jolaýshylar sany ortasha eseppen 30-35% artqan.
Aıta keteıik, Nur-Sultannan oryndalatyn saparlar quny 19 999 teńgeden bastalady. Áýe kompanııada bul baǵa qazirgi naryqtyq baǵadan 60% tómen ekenin atap ótti. Máskeýden shyǵatyn jolaýshylar bıletti 3333 rýblden bastap satyp alady.