Redaksııamyzǵa Jambyl jerinen ádilet izdegen hat kelip túsken edi. «Jambyl-Qunarlylyq» aksıonerlik qoǵamynyń bir top aksıonerleri qol qoıǵan bul hatpen birge osy ǵasyr basynda bastalyp, kúni búginge deıin ádiletsiz jolmen saǵyzdaı sozylǵan istiń barlyq derekteri qosa tirkelgen eken. Sol qujattarmen etene tanysa kelip, bir top aksıoner jazǵan hatta baıandalǵan oqıǵany shyp-shyrǵasyn buzbaı oqyrman nazaryna usynýdy jón kórdik.
Redaksııamyzǵa Jambyl jerinen ádilet izdegen hat kelip túsken edi. «Jambyl-Qunarlylyq» aksıonerlik qoǵamynyń bir top aksıonerleri qol qoıǵan bul hatpen birge osy ǵasyr basynda bastalyp, kúni búginge deıin ádiletsiz jolmen saǵyzdaı sozylǵan istiń barlyq derekteri qosa tirkelgen eken. Sol qujattarmen etene tanysa kelip, bir top aksıoner jazǵan hatta baıandalǵan oqıǵany shyp-shyrǵasyn buzbaı oqyrman nazaryna usynýdy jón kórdik.
«2004 jyldyń naýryz, sáýir, shilde aılary aralyǵynda «Jambyl-Qunarlylyq» AAQ-tyń daýys berýge quqyǵy bar 49,9 paıyz aksııasyn Azamat Alıshev satyp alyp, ony QR «Baǵaly qaǵazdar týraly» Zańynyń 36-babyna saı baǵaly qaǵazdardy tirkeý ortalyǵyna tirketedi. Sosyn atalǵan aksıonerlik qoǵamnyń prezıdenti Saǵymbaı Jumanovqa habar berip, iri aksıoner retinde A.Alıshev ózine berilgen quqyqtarǵa sáıkes S.Jumanovqa kezekten tys aksıonerlik jıyn ótkizýdi usynǵan edi. Alaıda S.Jumanov jıyn ótkizýden bas tartty» dep bastalady bizge kelip túsken úshbý hat.
S.Jumanov jınalystan bas tartqannan keıin aksıoner A.Alıshev QR «Aksıonerlik qoǵamdar týraly» Zańynyń 14-baby 2-bóligine súıene otyryp S.Jumanovty Taraz qalalyq sotyna beredi. О́ıtkeni, zańnyń bul babynda «eger aksııa ıesinde aksıonerlik qoǵamnyń 10 paıyz aksııasynan kóp qundy qaǵaz bolatyn bolsa, ol jaǵdaıda kezeksiz aksıonerlik jıyn jasatýǵa quqyly» degen joldar bar.
2005 jyldyń 11 aqpanykúniTarazqalalyqsotyS.Jumanovqa «kezeksizjıynjasaýǵamindettisiz» degensheshimshyǵarypberedi. Ol sheshimmen kelispegen S.Jumanov Jambyl oblystyq sotyna appelııasııalyq aryzyn jazady. Shaǵymdy qaraǵan oblystyq sot ta 2005 jyldyń 18 mamyry kúni «kezeksiz aksıonerlik jıyn ótkizýge mindetti» degen qalalyq sottyń sheshimi durys ekendigin rastaıdy. Alaıda, 2008 jyldyń 1 tamyzynda «sot sheshimin oryndamaǵany úshin» S.Jumanovtyń ústinen QR QK 362-baby 2-bóligi jáne «qyzmettik babyn asyra paıdalandy» dep QR QK 228-baby boıynsha qylmystyq is qozǵap, ony sozbalap keledi de, «qylmys quramy joq» degen jeleýmen isti jaýyp tastaıdy.
Sodan «Jambyl-Qunarlylyq» AAQ-tyń aksıonerleri jergilikti quqyq qorǵaý organdarynyń basshylaryna túsirgen shaǵymdary jaýapsyz qalǵandyqtan, sharasyzdan Bas Prokýror men Ishki ister mınıstriniń atyna shaǵymdanady. 2011 jyldyń 26 jeltoqsanynda atalǵan qylmystyq is qaıta jańǵyrtylyp, tergeý basqarmasynyń tergeýshisi B.Beısbaevqa tapsyryldy.
Tergeýshi B.Beısbaev aldyn ala tergeý amaldaryn júrgizip, S.Jumanovtyń qylmysyn áshkereleıtin kóptegen dálelderdi anyqtaǵannan keıin, sottalýshy S.Jumanovtyń ústinen 2012 jyldyń 26 sáýiri kúni QR QK-niń 325-baby 2-3-bólikterimen jáne 176-babynyń 3-bóligi «b» tarmaǵy boıynsha is qozǵaıdy. Budan bólek, S.Jumanovtyń ústinen 2012 jyldyń 13 sáýirinde jábirlenýshi K.Abdýllaevanyń aryzy boıynsha QR QK-niń 177-baby 3-bóligi «b» tarmaǵy boıynsha qylmystyq is qozǵalady. Sóıtip, 2012 jyldyń 9 maýsymy kúni S.Jumanovty qasaqana jasaǵan aýyr dárejeli qylmystary úshin QR KIJK-niń 132-baby boıynsha qamaýǵa alady. Biraq, arada 2 táýlik ótpesten 2012 jyldyń 11 maýsymy kúni Taraz qalasynyń prokýratýrasy S.Jumanovty bostandyqqa shyǵaryp jiberedi jáne bul jóninde qarsy tarapqa túsinik te bermeıdi.
Bostandyqqa shyqqannan soń S.Jumanov «Jambyl-Qunarlylyq» AAQ-tyń bas esepshisi T.Anıpechenkomen uıymdasyp, aksıonerlerdiń jınalysyn ótkizbesten, zań talaptaryn óreskel buza otyryp, atalmysh mekemeniń ataýyn «Jambyl-Qunarlylyq-1» JShS dep ózgertip alady. Sóıtip, astyrtyn áreket jasasqan ekeý atalmysh qoǵamnyń qundy qaǵazdaryn ózara bólisip S.Jumanov óz atyna 88,8 paıyz, al bas esepshi T.Anıpıchenkonyń atyna 11,25 paıyz aksııany jazyp beredi.
Bul iske narazy bolǵan aksıonerlerdiń shaǵymy boıynsha isti qaraǵan Taraz qalalyq sotynyń sýdıasy N.Nurlybekova 2012 jyldyń 18 qyrkúıeginde «Jambyl-Qunarlylyq» AAQ «Jambyl-Qu